Jisálamu 125:4 - O Mikanda Ikola

⁴ Jihova, tata, bhanga mbote kua ió athu ambote, oso ala ni mixima iaiuka.

Jisálamu 125:4 ပူးပေါင်းရင်းမြစ်များ

Jisálamu 119:68

Eie, Ngana, u muthu uambote, u bhanga o mbote iene; ngi longe o kaiula ka jingonge jé.

Jisálamu 119:80

Eme-phe muẋima uami u iukile mu mixinda ia jingonge jé, phala ku pholo ki ku ngʼize kukakuka, sonhi ni ji ngi kuata. Kaf

Jisálamu 32:2

Ua zediua uoso kala dingi ni mulonga kua Ngana, ku muẋima ki ku mu xala makutu.

Jisálamu 36:10

Kolokota, Ngana, o kukuatela henda oso a di tuma ni eie; a tetulukile oso emana muẋima nzanza.

Jisálamu 51:18

Ki ku uabhele, Ngana, kubhanga mbote kua Ziione, tunga dingi eie-muène o imbaka ia Jeluzaleme.

Jisálamu 7:10

Ngubu iami iala kua Nzambi, mukua kubhulula oso ala ni mixima iaiuka.

Jisálamu 73:1

Ni kidi kiene Nzambi u bhanga mbote kua Izalaiele, oso kiá a zele mu miẋima!

Jisálamu 84:11

Kuma Jihova Nzambi muene dikumbi dietu, ngubu ietu; Jihova u tu bhana kiadi ni ujitu; kana kima kiemina, athu enda ni muẋima uazele.

Jisálamu 84:12

Eie Jihova dia ilômbo, tata! Muthu ió u zediua, uoso ua ku dielela eie.

Jisálamu 94:15

Aiukila mu njila kidi a ki sanga ku pholo; oso emana mixima nzanza, hinu a lungʼâ muene.

Kuditenda 3:25

Jihova muthu ua mbote phala ió oso a mu nhenganana muene, mbé o muthu uoso u mu bhindamena.

Nzuá 1:47

Jezú kia mono Natanaiele ua-la mù kuiza ko-kué, uixi: Talenu! Muthu ió mukua Izalaiele ua kidi, moxi diê kene ni kádia!

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.

Dijingunuinu 14:5

Mu kanu diâ ki mu moneka makutu. Kene ngó ni kisemu bhu pholo ia kiandu kia Nzambi. Athu muene a tenena!