Jisálamu 125:3 - O Mikanda Ikola

³ Mukonda o mbasá iâ ia usuéia ki i tula ku kibatu kiangene kia athuʼê aiuka; kuiengesa kuila ni ió uaiuka imoxi u zenga o lukuaku mu bhanga kima kiaiibha.

Jisálamu 125:3 ပူးပေါင်းရင်းမြစ်များ

Jisálamu 103:14

Mbata uejiia kioso kia tu sokejeka, u lembalala kuma tuala tu mavu.

Jisálamu 103:9

Muene ka jijila kubazela, kene mu kuila u ku tatela phonzo.

Jisálamu 55:20

Muenhó ua zengela maku mê ku akuá a kexe-nê kiambote; o kikutu kia ukamba ua ki fukula.

Jisálamu 89:22

Kana nguma i tena kuvubuka mʼoxi iê, kana kisuéia ki tena ku mu tolola.

Jisabhu 22:8

Uoso u kuua usuéia, u bhongolola phulu; o ku pholo ku aia, a mu iokojola.

Izaía 10:5

Asídia, lamba diê! Ua di bhanga mbasá ia njinda iami: Kuma o njinda iami mukua ni mbangala bhu maku mê.

Izaía 27:8

Kana bá! Inda eie, mu kuzoka-nê, ua mu fikixila; kioso ki ua mu ẋimbuka, ua mu sondolola ni kitembu kiasuina, kia bhixila o kitembu kia thunda.

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

I Samuuele 24:10

Talesa, mesu mé a ki mone kuma Jihova ua ku thelekalele lelu bhu lukuaku luami mu dibânda mumu. Amoxi-phe ue a ngi longesele kiá ku ku jibha, maji-phe nga ku lendukila, ngixi: Muadiʼami nguami ku mu zengela o lukuaku luami, kuma muene muthu ua ngene, Jihova muene ua mu undu ku ungana.