Jisálamu 125:1 - O Mikanda Ikola

¹ Oso a dielela kua Jihova, a kala mukuâ ni mulundu ua Ziione, ka tena ku u zambesa, maji ua xikama kididi katé ku hádia ni hádia.

Jisálamu 125:1 ပူးပေါင်းရင်းမြစ်များ

I Malunda 5:20

Anga a a kuatekesa mu kúlua-nâ, o akua Hangale ni oso kiá a kexile-nâ, ene oso hé a a bhana bhu maku mâ, mukonda a dikolele kua Nzambi, kiala mu kúlua o ita, Nzambi hé u a bhana mátui, kuma a dielela kua muene.

II Malunda 20:20

Mu kimenemene kia selu anga a balumuka, hé a tunda mu kuia ku kikangalakata kia Tekoua; kioso ene kia mu tunda, Jozafate u nzongamana hé u handekela, uixi: Ngʼivienu, eie Juda, ni enu mua tunga mu Jeluzaleme; xikanenu kua Jihova, Nzambi ienu, nda mu kale bhua kondama; xikanenu ku jipolofeta jê mua kà zediue.

Jisálamu 120:1

Mu kubhondalala kuami nga dikola kua Jihova, muene iú ua ngʼivu.

Jisálamu 121:1

Ngi bhetula mesuʼami ku milundu, kuebhi ku ngi tundila kubhanduluka?

Jisálamu 122:1

Nga sanguluka kioso kia ngʼambela, exi: Tu bandienu ku onzo ia Jihova.

Jisálamu 123:1

Ko kué ku nga zambula mesu, eie ua tunga ku maúlu!

Jisálamu 124:1

Hé ki Jihova uala ku mbandu ietu, Izalaiele a ki zuele kiá;

Jisálamu 147:11

Ki uabhela Jihova athu a mu kala ni uôma uê, ni athu oso a dielela jihenda jê-muène.

Jisálamu 20:8

Ene a bulukuta, a dibhale; etu-phe tua bhetuka, tuemana nzanza.

Jisálamu 25:2

Nzambi iami nga ku dielela, kana ku ngi kakula, kuehele jinguma jami ku ngi tolola!

Jisálamu 25:8

Jihova muthu uambote, o kuiuka kuvula; kiene kia tenena kulonga akua ituxi o njila.

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 34:22

Jihova-phe u tambula konda ia muenhu ua jiselevende jê; kana muthu u sekala ua mu dielela muene.

Jisálamu 46:5

Nzambi iú bhobho, muene uala muʼaxaxe kê, kididi kiê ka tena ku ki sendumuna; Nzambi u di meneka mu ku a kudila.

Jisálamu 46:6

Matumbu edile ni ene bulukutu, o ilômbo ioso ia salumukine; maji muene uedi ngó u zuela, ixi ioso ia botomoka!

Jisálamu 62:2

Nzambi muene ngó o ditadi diami di ngi bhana muenhu; kua muene ku nga kondamena, ka ngi zambesa kiavulu, kana!

Jisálamu 62:3

Mbambe bhebhi, enu mala, bhu mua kà suka ni kukanena mukuenu ku mu bhanga phulu? Mua kà buila-phe enʼuenu oso; muedi kala phalelu ia bongola, mukuâ ni kimbaka kia-lu sota kutenuka.

Jisálamu 62:6

Muene ngó o ditadi diami di ngi lengela; muene kubhuluka kuami; kua muene ku nga kondamena, ka ngi zambesa, kana!

Jisálamu 62:7

Kua Nzambi kuene kua ngi kala o kulaia, ni kudisanza, ni kijingo; o ditadi diami dia nguzu, ni dilengelu diami, kuene kua Nzambi.

Jisabhu 10:25

Mukua phulu uia nzaká, kala ki somboka o kitembu kia kibhungu; maji o muthu ua iuka, ua kalelà-ku kala a mu tunga bhu ndanji.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 14:32

O jiphunga ja tundu ku mundu-phe, tu a vutuila kiebhi? A vutuile kiki: Jihova ua tunga Ziione, nda o jihukunhi ku athuʼê, muene mua sanga o dilengelu.

Izaía 26:3

Eie, Jihova, uoso ua te muẋima ua tenena kokué, eie ua kà mu bhaka ni kutululuka kua kidi, mukonda muene ua ku dielela eie.

Izaía 26:4

Dielelenu Jihova mu thembu joso; mbata Jihova, Nzambi, ndanji i nangenena.

Izaía 51:11

Kienhiki kiene kia kà vutuka oso a a kula kuala Jihova, anga a kʼèza mu Ziione ni nzôngo ia kutana, ngalasa inangenena ià kala ku thandu dia mítue iâ; a kà bonga kutana ni kusanguluka, o dilamba ni mikemu ia kà a lenga.

Izaía 51:16

Eme-phe ngi ta maka mami mu kanu dié, hé ngi ku vungina ni kilembeketa kia lukuaku luami, phala kuxikika o diulu, phala ue kusoma oxi, ni kuambela ue Ziione kuma: eʼmuène u povo iami.

Izaía 51:8

Kuma axikamena ku a kesa kala kabamba ki ka kesa o kizuatu, makèke ma-nda ku a dia kala kia dia o lã; maji o uiukilu uami ua kà xalèla katé ku hádia ni hádia; o ubhulukilu uami kutunda muiji kuiza muiji.

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Obadiia 1:21

O ku mulundu ua Ziione kua kà banda abhuludi phala kufundisa o mulundu ua Ezaú; o utuminu-phe ua kà kala ua ngene ua Jihova.

Mikeia 4:2

Kua kʼàia muene miji iavulu, exi: Izenu, tu bandienu ku mulundu ua Jihova, ku dibhata dia Nzambi ia Jakobo. Muene nda a kà tu longe o jinjila jê, etu phala tuendele mu jihoka jê. Mukonda o kitumu hádia ki tunda mu Ziione, o maka ma Ngana ma kà tunda mu Jeluzaleme.

Zakadiia 1:14

O anju ia kexi mu kuzuela ni eme anga u ngambela, uixi: Tá nzongo kuila: Jihova dia Ilombo uambe kiki: Ni muanu ua vulu, ngene mu ku langa Jeluzaleme ni Ziione.

Zakadiia 1:17

Tá dingi nzôngo lua mukuá, uixi: Jihova dia Ilombo Ieta uambe kiki: O jimbonge jami hanji ja-nda kua kà di bandekeza, ja-nda kua kà zediua muene; kuma Jihova hanji a-nda kua kà konda dilamba kua Ziione, hanji a-nda kua kà sola Jeluzaleme.

I Phetele 1:21

Muène iú ua mi bhangesa kukala mu axikani a Nzambi, ió ua mu fukununa muène mu madifundu, iú ua mu bhana o ungana. Mu kienʼiki, o kuxikana kuenu, ni kudielela, ku muala na-ku, kua kuatenena kua Nzambi.

Dijingunuinu 14:1

Kienhókio anga ngi talesa, ngi mona Kambudi uemana ku Mulundu ua Ziione. Anga kukala athu kumoxi ni Muène, hâma ia midi ni makuinhi auana ni midi jiuana, ala ni dijina diê ni dijina dia Tata iê, òsoneke bhu mabhômo mâ.