Jisálamu 122:5 - O Mikanda Ikola

⁵ Kuma mu Jeluzaleme muene mua xikika o jimbenza ja kubatuila milonga mu kidi, jimbenza ja ungana ua dibhata dia Davidi.

Jisálamu 122:5 ပူးပေါင်းရင်းမြစ်များ

II Samuuele 8:18

o Selaia u kala kidivá; o Benaia, monʼa Jehoiada, muene komanande u tumina o masoladi ene kulangidila muenexi, o Makeleti ni Mapelete; anʼa Davidi anga akala ue ene o makota ku mbanza.

I Jisobha 7:7

Ua tungu ue onzo ia Kiandu mua kexile kufundixila o milonga, o inzo ia Kibhuna kia Difundixilu, anga u i folala ni mabaia a musédulu tunde bhoxi bhua kudiota ni inama katé bhulu bhu mukambu.

II Malunda 11:22

O Abiia monʼa Mahaka muene a mu te ku pholo kuala Lebouamu phala a kale dikota mu jiphange jê, mukonda muene ua mesenene ku mu bhanga sobha.

II Malunda 19:8

Ku difundixilu dia Jihova ni ku batuilu dia milonga, Jozafate ua te-ku ue amoxi-mu ku jilevita, ni ku jinganga, ni ku iá o mítue ia jitata mua Izalaiele; anga a vutuka kiua mu Jeluzaleme.

Matendelelu 17:18

O kia-ndu zubha ue kutulama kiá ku kiandu kia usobha mu utuminu uê, u kopiiala kitumu kiki mu divulu phala muene, u katula mu divulu dia kitumu kiala na-kiu o jinganga ja akua-Levi.

Matendelelu 17:8

Mu kubatula milonga, se bhu kala diba dia ku bhonzo, hé mvunda ia athu a di jibha mbandu ni mbandu, mba dimânda ni dimânda, mba a di kuama enhoso, mba-phe a di kuata jiphata ia a di bhinjika, muʼaxaxi ka mabhata menu; balumuka-phe, u bande ku kibuta kioso kiasolo kuala Jihova Nzambi ié,