Jisálamu 119:96 - O Mikanda Ikola

⁹⁶ Nga mono kuila ima ioso né iauabha, hanji kua i kambe; maji o kitumu kié-phe, ki kiene mbambe.

Jisálamu 119:96 ပူးပေါင်းရင်းမြစ်များ

II Samuuele 14:25

Mu Izalaiele ioso-phe, ki bhuala muthu a mu ximana o kuiuka kua kuuabha o mukutu ni pholo kala Abisalone; ubhinga athu oso kia mu tala, ela kala adiuana! Tunde bhu dikanda diê dia kinama, katé bhu thala ia mútue, ka moneka ngó kisemu.

II Samuuele 16:23

O phangu ia Ahitofele-phe, ia kexe mu bhana mu izuuʼoio, i kala mukuâ ni kuila ia muthu ua zambuila kua Nzambi, o Nzambi iu ua mu vutuila; kiene muenʼiki kia kexi o jiphangu joso ja Ahitofele, kutale kua Davidi uixi kiala kua Abisalone.

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

II Samuuele 18:14

Jouabe anga u mu ambela bhenhobho, uixi: Eie ua-ndu ngi lalekesa. Anga u katula matoma matatu bhu lukuaku luê, uia, Abisalone u mu kubula mu mixima, kioso kiala hanji ni muenhu, ua nhengama mu mukaluvalu.

II Samuuele 18:17

Anga a katula Abisalone, a mu takula mu dikungu mu ditutu, a mu longekela lumu ia matadi ku thandu diê. Akua Izalaiele oso-phe anga a muangana kala muthu ku bhata diê.

Ndongixi 12:8

Ukumbu mu ukumbu, ioso muene ukumbu ngó!—Kiene kia tange Mulongixi.

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 7:20

Kidi bá! Mu ngongo kana-mu muthu ua iuka, u bhanga ngó mbote mu mbote anga u kamba ku ta kituxi.

Matesu 24:35

Oxi ia kà jimuka, ni diulu, o Maka mami-phe, ki mà jimuka.

Matesu 5:18

Mbata ngi mi tangela o kidi, katé bhua ka jimukina o diulu ni ixi, kana ngó kujimuka kapondo mba kama kosokoso kòfele ku Kitumu, katé bhua ka tenena o ima ioso.

Matesu 5:28

Eme-phe ngi mi ambela kuma: Uoso ngó u tonginina muhatu ni ku mu kuatela luimbi, uatenê kiá phànda ku muẋima uê.

Loma 7:14

Kuma etu tuejiia kuila o Kitumu kima kia nzumbi. Maji eme-phe ngi muthu ua kufua, a ngi sumbisa ku ituxi.

I Samuuele 17:8

Anga u imana, u handekela mu kolela o kilômbo kia Izalaiele, uixi; Mua di tela-hi ku minono mu kúlua? Eme ki emʼiú, ngi mukua Fidíxia, enu-phe ki mu abhika a Saúlo? Solenu uoso diiala phala eze kunu a ngi sange, nda ngi di ẋine-nê.

I Samuuele 9:2

Muenhú anga u kala ni monʼê ua diiala, dijina diê Saúlo, munzangala ua uabha iu uadisanze kiambote; muʼaxaxi ka anʼa Izalaiele kanamu muthu ua mu tundu mu kuuabha ni kudisanza, o mu kitala mundu uoso a mu suku ngó bhu isuxi.