Jisálamu 119:9 - O Mikanda Ikola

⁹ Munzangala ua diiala u di zelesa kiebhi o uendelu? Ki kale u di langa kiambote, kala kiambe o maka mé.

Jisálamu 119:9 ပူးပေါင်းရင်းမြစ်များ

II Malunda 6:16

O kikiphe, Jihova, Nzambi ia Izalaiele, bhakela mubhikʼé Davidi, tatʼetu ioso i ua mu tangela, uixi: Ki mungu dingi kokué ku kamba dikuenze bhu pholo iami, u xikama bhu kiandu kia Izalaiele; inda kima kimoxi ngó ki nga ku bhingi, kuila anʼé aluke njila ié-eie, mu kuenda mu kitumu kiami, kala eie ki uenda jinga bhu pholo iami.

Jobe 1:5

Jobe anga uia ni kuila, kioso ana oso kia zubha kubhanga o jifesa, u a exana anga u a lumbila kua Ngana; kuma u balumuka mu kimenemene, anga uia mu kubhana jisata ja soko ni diauilu dia ene, mukonda, uixi: Sumba anʼami a te kituxi, a ẋonguena Nzambi ku muẋima uâ. Kienhiki kia kexi mu bhanga jinga Jobe thembu joso.

Jobe 13:26

Mukonda diahi eie ua mu ngi xindila ima ia lulu, o ikuma iami ia unzangala ua mu ngi lunduisa na-iu dingi?

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Jisálamu 17:4

Muʼaxaxi kʼathu ngi banza jinga o maka a tunda ku mizumbu ié; njila i bheka athu mu kubaluka nga fulu ku i enda.

Jisálamu 25:7

Kana kuxinganeka kuzangata kuami kua undenge; mba u kaiela o itondalu iami, né nga ku bhukumukina, ngi kuatele henda mu kiadi kié, u Jihova.

Jisálamu 34:11

Zenu anandenge, mu ngʼivue; eme ngi mi longe o uoma ua Jihova.

Jisabhu 1:10

Monʼami, akua ituxi se a sota ku kusendula ni izuelu iâ ia ẋanana, eie kana ku a evua.

Jisabhu 1:4

phala kudimuna o ilalu, ni kulonga anandenge o kuijiia, ni kilunji kioso kia fuama.

Jisabhu 2:11

O kilunji kiambote-phe kia-nda ku ku bhaka, o kutongoloka kua-nda ku ku kondejeka muene;

Jisabhu 4:1

Enu anʼami ivenu ulongelu ua tatʼenu, jikulenu mátui mu tambule kilunji.

Jisabhu 7:7

nga mono muʼaxaxe ka ilalu, hé ngi tongolola bhuʼaxaxii ka minzangala, mukuenze umoxi, ua kambe kilunji.

Ndongixi 11:9

Eie, munzangala, di kenhe! Sanguluka mu unzangala ué, o muẋima ué u tulumbe mu izuua ia unzangala ué! O njila ja solo o muẋima ué, enda-ju muene, ni jojo ja ku uabhela ku mesu mé; maji ijiia-kiu-phe, kuila mu ima ioso ienhiʼii, muene hinu Nzambi muanda kua kà ku fundisila.

Luka 15:13

Kia bhiti tuizuua, o ndenge u bhongolola ioso, anga u katuka njila ia kuia ixi ia dikanga. Kuenioko anga u zanga-zanga itadi iê mu ulaji.

Nzuá 15:3

Enu mua zele kiá, mukonda dia maka u nga mi longo iá.

Matendelelu 17:18

O kia-ndu zubha ue kutulama kiá ku kiandu kia usobha mu utuminu uê, u kopiiala kitumu kiki mu divulu phala muene, u katula mu divulu dia kitumu kiala na-kiu o jinganga ja akua-Levi.

II Timote 2:22

Jihânji-phe ja unzangala, lenga-ju, u kaiele o kuiuka, ni kuxikana, ni henda, ni paze, kumoxi ni ene oso kiá a dikola kua Nzambi ni muẋima uazele.

Josuué 1:7

Hé kima, eie muene, kala ngó u kindanda, u kole muxima kiavulu, u kale ni muanu ua kualuka ngonge ioso ia ku lekelela mubhikʼami Mozé; ku i xie, mu ku bhambukila ku kiasu mba ku kúdia, mbé uijiie kuenda kiambote kuoso-kuoso ku u di tela.