Jisálamu 119:85 - O Mikanda Ikola

⁸⁵ A kua izala a ngi kandeia madiela, athu ka xikina kubhanga kala kiala mu ngonge ié.

Jisálamu 119:85 ပူးပေါင်းရင်းမြစ်များ

Jisálamu 119:78

Akua izala ió, a kuatese jisonhi; kuma a ngi bhange phulu, sé kikuma; eme-phe ngi kana kuxinganeka mu ijila ié.

Jisálamu 35:7

Kuma a ngi tela uanda ua ku ngi kuata; sumbala o mulonga u nga te ki u moneka; sé ngó kikuma, a ngi kandeia diela mu njila, phala kukuata o muenhu uami.

Jisálamu 36:11

Kuehele kinama kia akua izala ku ngi diata; mba lukuaku lua isuéia ku ngi landameka.

Jisálamu 7:15

Ua j ikula diela, ua di kande muene, diazongo, iú uafu-mu muene, mu dikungu diê dia kande.

Jisabhu 16:27

Monʼa kadiaphemba u kanda o phulu iene; o ku mizumbu iê u sanga kua bambuka kala túbhia.

Jelemiia 18:20

Manhi mbote a i futa ni phulu? Oko a kande o diela phala o muenhu uami! Lembalala kuma eme ngemana bhu pholo ié-eie, phala ku a zuela mbote ia ene, phala njinda ié ki ia a tule, i ile kuengi.

Jelemiia 18:22

Kioso eie ki ua-nda ku a tukumuisa ni kibuka kia masoladi, uívua nzongo ia kudikola i tunda mu jinzu jâ! Mbata a kande diela phala ku ngi kuata, o inama iami a i tela mabhebhe mu njila.