81 Muenhu uami ua senduka ni ku kinga o ubhulukilu ué, maji kizuelu kié nga ki dielela.
Nga kà di muena-nê eme-muene-muène; mesuʼami muene ene a kà mu mona, ki engi kana. Kiene o muẋima moxi ki ua ngʼizalela ni nguzu iavulu.
Eie u dilengelu diami, u ngubu iami ia ku ngi xitila; nga dielela kizuelu kié.
Muenhu uami ua iokojoka mukonda dia hânji ia kuijiia o matendelelu mé jithembu joso.
Ngi tale, ki ngalʼiki, kuma ijila ié iene i ngʼinda jinga; ngi suinise, Ngana, mu kukumbidila kué.
Jihenda jé jize ji ngi sange, u Jihova, ni kubhuluka kuene ku tuevila ku maka mé.
Phala ngi kale ni kia kuvutuila ió uoso u ngi ta môndo, kuma mu maka mé muene mu nga di fikidila.
O uanji ua kidi kié, kana ku ngi katula-u mu kanu diami; kuma nga dielela eie ki uene kubatula o milonga.
Oso akua uoma ué, a sanguluka mu ku ngi mona mesu, mukonda ngi muthu nga dielela ku kizuelu kié.
Jihenda jé, Ngana, ji ngi sange, phala ngi laie; kuma o ngonge ié, iene i ngi bhana o kusanguluka.
Nga kinga Jihova; muenhu uami ua kinga ni kutala kua muene; o kizuelu kiê kiene ki nga dielela.
Xitu jami ni muẋima moxi, né ji jila, Nzambi-phe muene nguzu ia muẋima uami, muene undundu uami u nangenena.
Muenhu uami moxi uala ni hânji, ua-lu sota muene kusénduka, mu kuinda kukala mu lumbu lua Jihova; ni muẋima uami, ni xitu iami, ia dikola ni vondadi ia eie u Nzambi ia muenhu,
Nga mi lokela enu mu anʼa ilumba ia Jeluzaleme, kuila: Se kazola kami mua mu sange, mu tangedienu muexi: Eme nga kate ni jihenda!