Jisálamu 119:66 - O Mikanda Ikola

⁶⁶ Ngi longe kutongoloka ni kukala ni kilunji; kuma o itumu ié nga i xikana.

Jisálamu 119:66 ပူးပေါင်းရင်းမြစ်များ

I Jisobha 3:28

Izalaiele ioso anga evua o kubatula kuku kua batula muenexi, anga a kala ni uoma ua muenexi; kuma a mu mono ni kuijiia kua Nzambi kuala naku, mu kutungula ni kubatula o kidi.

I Jisobha 3:9

O ki ngalʼiki, Ngana, ngi bhane, ngi mubhikʼé, muẋima ua kutongoloka mu kufúndisa o mundu ué, phala ni unjimu uoso, ngi tene kutungula kia kidi ni kia makutu; kuma nanhi ua kambe unjimu, u ki tena, kia kufudisa o mundu ué uavulu kiki?

Jisálamu 119:128

Kala kiki, o ijila ié nga i mono kuiuka mu ima ioso; njila ioso ia makutu nguami na-iu dingi.

Jisálamu 119:160

Tunde ku dimatekenu katé ku dizubhilu, maka mé kiene o kidi; kioso ki ua tetulula eie, muxinda bhu ndanji, ka ki lungulula dingi.

Jisálamu 119:172

Dimi diami di kuate mukumbi uê ua kuimba; kuma o itumu ié ioso ia kidi ni kulunga.

Jisálamu 119:34

Ngi bhane kilunji, ngʼaluke o ngonge ié; ngi ta-ku muene muẋima uami uoso.

Jisabhu 8:20

Ngi batesa muthu mu njila ia kuiuka, ngi mu endesa muʼaxaxi ka jihoka ja kutetuluka.

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Filipe 1:9

Mu musambu uami nga bhingi-phe kiki: Kuma o henda ienu i vule dingi kinéne, mbé mu kale ni kuijiia, mu kale ni kilunji kia tongoloka,

Afundixi 3:15

Anʼa Izalaiele-phe anga a di kola kua Jihova, Jihova anga u a zangelekela mubhuludi uâ, muene Ehudi monʼa Jela, mukua muiji ua Bejamí, mukua kiasu. Anʼa Izalaiele anga a mu katula kuia mu kubheka ujitu kua Engolone sobha ia Mouabhe.