Jisálamu 119:58 - O Mikanda Ikola

⁵⁸ Nga diondo ni muẋima uami uoso, ngi kale mu kiadi kié; ngi lendukile, Ngana kala ki ua ki tanga jinga.

Jisálamu 119:58 ပူးပေါင်းရင်းမြစ်များ

I Jisobha 13:6

Bhenhobho sobha u di kola, anga uambela muthu ua Nzambi, uixi: Ndoko samba bhu pholo ia Jihova, Nzambi ié phala u ngi diondele, mbé muene a ngi vutuile o lukuaku luami. Bhenhobho o muthu ua Nzambi anga u samba mu kudionda Ngana, sobha a mu vutuila dingi lukuaku luê, anga lu xalela dingi kala ki lua kexile mʼukulu.

Jobe 11:19

Ua kà zeka muene, ki bhu kala muthu u ku sasumuna; athu àvula muene, a kèza mu ku di bhomba kokué.

Jisálamu 119:10

Nga ku soto, tata, ni muẋima uami uoso; ku ngʼehelele kúxia o itumu ié ni ngʼila muengi.

Jisálamu 119:145

Nga di kola ni muẋima uami uoso; ngʼivue u Jihova, ngʼaluke o ilekelelu ié.

Jisálamu 119:170

O kusamba kuami, ko kué muene ku nga dionda; ngi kudile bhu kíbhidi kala ki uambe, Ngana.

Jisálamu 119:41

Jihenda jé jize ji ngi sange, u Jihova, ni kubhuluka kuene ku tuevila ku maka mé.

Jisálamu 119:65

Selevende ié ua mu bhanga jinga mbote, eie u Jihova, kala ki tua sange mu maka mé.

Jisálamu 119:76

Nga ku diondo-phe, kiadi kié ki ngi nhohese-ku hanji, kala ki ua bhana o kizuelu kua selevende ié.

Jisálamu 138:2

Ngi diunda ni kubhana o pholo kua kala o Tembulu ié, ngi ku tumbula dijina mukonda dia kiadi kié kia kidi; kuma o maka mé, Ngana, ma ulamba, ni ku a fika ngó tua lémbua.

Jisálamu 27:8

Kioso eie ki uambe, uixi: Sotenu pholo iami; eme muẋima uami uambe: Pholo ié, Ngana, ngi i sota.

Jisálamu 4:6

Sai athu avulu ala kuila: Tu sanga kuebhi o kibhuku? Jihova phe tu bhetukile ngó o pholo ié, kubenha kué ku tu tule.

Jisálamu 56:10

Kua Nzambi kuene ku ngi tunda o kulunga, kua Jihova kuene ku ngi tunda o kulunga,

Jisálamu 56:4

Kua Nzambi, kuene ku ngi tunda o kulúnga, kua Nzambi, kuene, ku nga dielela; ki ngi kala dingi ni uoma. Hé kima, xitu i tena ku ngi bhangaʼhi?

Hozeia 7:14

Ene ka mu dikola ko kuami ni muẋima uâ uoso; o kiala-bhu, mikemu ia bhela bhu jihama jâ, mukonda ene a bhongolokela ngó masa ni vinhu, eme a ngi bhukumukina.

Matesu 24:35

Oxi ia kà jimuka, ni diulu, o Maka mami-phe, ki mà jimuka.

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.