Jisálamu 119:49 - O Mikanda Ikola

⁴⁹ Lembalala, Ngana, o kikutu ki ua ta ni selevende ié, kuma eie ua ngi dielelesa.

Jisálamu 119:49 ပူးပေါင်းရင်းမြစ်များ

Dimatekenu 32:9

Jakobo anga u amba, uixi: Eie u Nzambi ia tatʼetu Mbalahamu, u Nzambi ia Tatʼetu Izake, u Jihova ua ngʼambela uixi: Vutuka kʼoxi ienu, ni ku undandu uenu, eme ngi kala mu ku ku bhanga mbote;

Dimatekenu 8:1

Nzambi anga u lembalala Noué, ni iama ioso ia muenhu, ni ibhaku ioso iala-nê mu álaka; Nzambi anga u bhangesa kitembu kubhuka mu ngongo, menha ma kala mu sosoloka.

II Samuuele 5:2

Mu thembu iabhiti, kia kexi hanji Saúlo ku ungana, eie muene ua kexe mu tuamenena Izalaiele mu kutunda ni mu kubokona; Jihova ue ua ku ambelele, kuma: Eie uà kala u mubidi ua mundu uami Izalaiele, eie uà kala u mutuameneni ua Izalaiele.

II Samuuele 7:25

O kiki-phe, u Jihova Nzambi, kizuelu kié ki ua bhana, kia tokala kua mubhikʼé, ni kia tokala ku dibhata diê, kumbidila-kiu mu mivu ia kambe dizubhilu, u bhange muene kioso ki ua tange.

Jobe 7:7

Xinganeka, Ngana, ulembalale kuila muenhu uami uediʼé ngó kala mulenge; o mesuʼami kà tona dingi kumona mbote.

Jisálamu 105:2

Mu imbidienu, imbenu ni ku mu ximana; tenu maka ma imbamba iê ia madiuanu.

Jisálamu 105:42

Kuma kizuelu kiê kikôla ua ki te muẋima; ni Mbalahamu, dia selevende iê.

Jisálamu 106:4

Eme-phe, u Jihova, ngi xinganeke ni vondadi iambote kala ki uene kubhanga o mundu ué; ngi sange bhu ngala phala u ngi bhulule.

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Jisálamu 119:147

Munhá ngó, mu makolombolo, eme ngi dikola kiá, mukonda maka mé nga ma dielela.

Jisálamu 119:43

O uanji ua kidi kié, kana ku ngi katula-u mu kanu diami; kuma nga dielela eie ki uene kubatula o milonga.

Jisálamu 119:74

Oso akua uoma ué, a sanguluka mu ku ngi mona mesu, mukonda ngi muthu nga dielela ku kizuelu kié.

Jisálamu 119:81

Muenhu uami ua senduka ni ku kinga o ubhulukilu ué, maji kizuelu kié nga ki dielela.

Jisálamu 71:14

Eme, bhabha-phe, ngi dielela jinga kokué sé kufula, ngi ku ximana jinga muene ngi tona, kizuua ni kizuua.

Izaía 62:6

Jeluzaleme, tata, nga tula-ze alangidi ku thanduʼa imbaka ié, enhá muanha ni usuku ka tena kudixibha; enu mu akua kutumbula Jihova, momuenu ki mu kale ku dixibha;

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

I Phetele 1:13

Uila kiki, kalenu polondo. Mu kilunji di kutienu inhonga, mu kale ku mesu a zele, mu suime ni kudielela o kiadi kia kà mi bhekela, bhuoso bhu tukulukila Jezú Kristu.

I Phetele 1:21

Muène iú ua mi bhangesa kukala mu axikani a Nzambi, ió ua mu fukununa muène mu madifundu, iú ua mu bhana o ungana. Mu kienʼiki, o kuxikana kuenu, ni kudielela, ku muala na-ku, kua kuatenena kua Nzambi.