Jisálamu 119:40 - O Mikanda Ikola

⁴⁰ Ngi tale, ki ngalʼiki, kuma ijila ié iene i ngʼinda jinga; ngi suinise, Ngana, mu kukumbidila kué.

Jisálamu 119:40 ပူးပေါင်းရင်းမြစ်များ

Jisálamu 119:107

Nga bhondalala kiavulu muene, u Jihova phe ngi bhane dingi muenhu kala ki uambe ku maka mé.

Jisálamu 119:149

Ngʼivue o dízui diami, nga ku diondo mu kiadi kié; u ngi bhetule o muẋima, mu phangu ja mabatuilu mé.

Jisálamu 119:156

Jihenda jé, u Jihova, javulu kinéne; ngi bhane muenhu uobhe mu kutetuluka kué.

Jisálamu 119:159

Eme-phe ngi tale, kuma ioso i ua tendelela, eme ia ngi uabhela muene; u Jihova, ngi bhane muenhu mu kulenduka kué.

Jisálamu 119:20

Muenhu uami ua iokojoka mukonda dia hânji ia kuijiia o matendelelu mé jithembu joso.

Jisálamu 119:25

Muenhu uami ua fufujuka mu mavu; ngi phaphumune kala kiambe o maka mé.

Jisálamu 119:37

Ngi katule mesu mu kutala ima ia ulalu, u ngi bhane huii mu kenda o njila ié.

Jisálamu 119:5

Tamano ngi di fikidila mu uendelu uami, anga ngi tena muene kukuata o ijila ié ioso.

Jisálamu 119:88

Ngi bhane nguzu iobhe mu kiadi kié, Ngana Nzambi; umbangi ua dikanu dié, ngʼijiie kiambote o ku u aiuka.

Matesu 26:41

Langidilenu, mu sambe, phala ki mu di bhale mu mubhetu ua Nguma. Nzumbi ia xikina kidi o kùlua ni jitendasá, maji o xitu-phe ia bhuila.

Marku 9:24

Kithanganʼokio, o tata uavu monʼe u di kola, uixi: Nga xikana, Ngana! Ngi kuatekese mu kukamba kuxikana kuami!

Nzuá 10:10

O muíi uiza ngó mu kunhana, ni kujibha, ni kumuanga. Maji eme ngeza, phala o jimbudi ji kale ni muenhu, ji bhanduluke kiavulu.

Nzuá 5:21

Mukonda kala Tata kia fukununa afi, hé u a bhana muenhu, kiene ue o Mona u bhana muenhu kua oso a mesena.

Loma 7:24

Kokolo diami dia kuxixima kiki! Nanhi u ngi kudila ku mukutu iú ua mu ngi bheka mu kalunga.

I Kolindo 15:45

Mukonda o Mikanda Ikôla, iexi: Adá ia diangele-ku, a mu bhangele mukutu u bhuima. Maji o Adá ia sukidila-ku, Nzumbi i bhana muenhu.

II Kolindo 7:1

O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.

Ngalásia 5:17

Mbata o xitu i kuata hanji ia iibhila o Nzumbi, o Nzumbi i kuata o hanji ia iibhila o xitu; kuma kiiadʼiki kia di zemba; phala enu mu lémbue kubhanga o ima i mua mesena.

Efezo 2:5

kioso mu nzumbi ki tua kexile tu afi mu ikuma ietu, kiene muène kia tu phaphumuna kumoxi ni Kristu. Ku kiadi kia Nzambi ngó ku mua bhulukila.

III Nzuá 1:2

Kamba diami dia kazola, ngala mù samba kua Nzambi, phala eie u bhanduluke mu ima ioso, mbé u disanze o mukutu, uila ki ua bhanduluka ue mu nzumbi.