Jisálamu 119:34 - O Mikanda Ikola

³⁴ Ngi bhane kilunji, ngʼaluke o ngonge ié; ngi ta-ku muene muẋima uami uoso.

Jisálamu 119:34 ပူးပေါင်းရင်းမြစ်များ

I Malunda 22:12

O Jihova-phe a ku bhane kiá ngoho o unjimu ua kuijiia ni kutongoloka, a ku longese bhu kaẋi ni Izalaiele, kioso ki ukala mu ku a tumina, mbé ubhake o kitumu kia Jihova, Nzambi ié.

Jobe 28:28

Iú uambela o muthu, uixi: Talesa-ze! O uoma ua Nzambi, uene o unjimu; o kueha kia ibha, kuene o kuijiia.

Jisálamu 111:10

O kukala ni uoma ua Nzambi, muene muijiia unjimu; ene oso a mu tumaka, a kala muene ni kilunji kiambote, o diximanu diê dia kalʼê, katé ku hádia ni hádia.

Jisálamu 119:10

Nga ku soto, tata, ni muẋima uami uoso; ku ngʼehelele kúxia o itumu ié ni ngʼila muengi.

Jisálamu 119:100

Ngejiia muene, ni adiakimi a ki lémbua, mukonda nga kuata o ijila ié.

Jisálamu 119:104

Mu ijila ié muene mu nga kuatela o kilunji; njila ja kujimbidisa eme nga di zembe na-ju.

Jisálamu 119:125

Ngi selevende ié muene; ngi bhane kilunji, phala o umbangi ué ngʼu ijiie kiambote.

Jisálamu 119:130

Bhua jimbuluila o maka mé a muika, a zelesa; ni ió ua tobho a mu bhana kuijiia.

Jisálamu 119:144

O kuiuka kua umbangi ué, kua kalʼé, ki kua kà bhua-ku dingi; ngi bhane-phe kilunji, nda ngi laie.

Jisálamu 119:169

Kudikola kuami, Jihova, ku ku bhixila bhu pholo ié; ngi bhane kutongoloka kala ki ua ki tanga.

Jisálamu 119:2

A lungu ió aiuka o umbangi uê, a mu u sota muene ni muẋima uoso.

Jisálamu 119:58

Nga diondo ni muẋima uami uoso, ngi kale mu kiadi kié; ngi lendukile, Ngana kala ki ua ki tanga jinga.

Jisálamu 119:66

Ngi longe kutongoloka ni kukala ni kilunji; kuma o itumu ié nga i xikana.

Jisálamu 119:69

Akua izala a ngʼona kiavulu milonga; maji eme-phe ni muẋima uami uoso, ngʼaluka o ijila ié.

Jisálamu 119:73

Maku é ene a ngi bhanga, ia a ngi sokejeka; ngi bhane kilunji kia ku di longa o itumu ié.

Jisálamu 39:2

Nga dixibhʼami muene, ngi kala dibubu, ngedi muene hudí, sumbala nga dimbuluka moxi, o malamba a ngi kuata, anga aia dingi ni kuvula.

Matesu 5:19

Kienhiki, uoso ku Kitumu u tondala-ku kijila kimoxi kia ndenge, anga u longa athu ku ki tondala, muène a mu ixana ndenge mu Utuminu ua Diulu. Uoso-phe u tumaka o Kitumu ni ku ki bhanga, hé u longa ue akuá o ku ki bhanga, muène a mu ixana dikota mu Utuminu ua Diulu.

Matesu 7:24

Uoso-phe uívua o maka mamiʼ ama, anga u ma bhanga, muène u difangana ni njimu ia tungile o inzu iê bhu ndànji.

Nzuá 7:17

Se muthu u sola kubhanga vondadi ia Nzambi, ió ua-ndu kuijiia ulongelu u nga mu longa, mba ua tundu kua Nzambi, mba nga zuela ngó ima iami ememuène.

Matendelelu 4:6

O jingongʼiji mu ila ni ku ji langa ni ku ji kumbidila, kuma uene o unjimu uenu ni kutetuluka kuenu bhu mesu a ifuẋi; oso a-nda kuívua o jingonge josoʼiji, a-nda kuila: O mundu iú uónene, ni mu unjimu ni mu kutetuluka kamoneka soko diâ.

Tiiaku 1:25

Maji uoso-phe u bhana o matui ku kitumu kia tenena, o kitumu kía ufuôlo, anga u ki jijila, ka kala mukua kuivua nʼa jimbe-ku, maji u kala mukua kubhanga nʼa kumbidile, muenhú Nzambi u mu zediuisa mu ioso ia bhanga.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.

Tiiaku 4:11

Enu, jiphange jami, ki mu kale mu ku di âmba mudienu. Uoso u âmba phangʼiê, mba phangʼiê u mu fikila, uambe o Kitumu, ua fikila o Kitumu. O ki uila Kitumu u ki fikila, kualé dingi u mubhangi a Kitumu, maji u mubatuidi a milonga.