Jisálamu 119:32 - O Mikanda Ikola

³² Uendelu ua itumu ié, ngi u kuata muene ni lusolo, kioso, eie Ngana, ki u ngi kudisa o muẋima moxi. He

Jisálamu 119:32 ပူးပေါင်းရင်းမြစ်များ

Dimatekenu 26:22

Anga u sondoloka dingi u kanda kixima kiamukuá; kiki kiá keza dingi ni jimvunda mu di kuatela-kiu; anga u ki luka Lehobote; kuma uambe, uixi: Kiki Jihova ua tu bhana kididi kia zanze, tua-nda kuzediua kiá mʼoxi mumu.

I Jisobha 4:29

O Nzambi anga u bhana Solomá kuijiia ni kutongoloka kuavulu ni muẋima uakulu mu kutetuluka mukuâ ni kisékele ku ndundu ia kalunga.

Jisálamu 119:45

Ngenda jinga muene mu ikoka iatu, kuma o ijila ié iene i nga bhindamena.

Jisálamu 18:36

Ua ngi bhana kuta makanda ma nguzu; bhoso bhu nga diota ki ngi xangumuka.

Mukumbi ua Mikumbi 1:4

Ngʼambate, tuie lusolo, kokué. Sobha ua ngi bokuesa mu xilu diê. Tua kà sanguluka, tua kènda ni kutanena momué; O henda ié tua kà beta ku i xinganeka o vinhu ndenge; kiene kia ku zolela oso a iuka o miẋima.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Izaía 60:5

Eie-phe ua kà ki mona anga u benha ni kusanguluka, muẋima ué ua kà sasumuka, anga u sanzumuka; mbata jinzungule jene mu kizanga kia kalunga ja kà bilukila kokué, o maumvuama ma akua-jixi joso ma kà ku kana éiʼmuene.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Nzuá 8:32

o kidi mua-nda ku kʼijiia, o kidi anga ki mi bhana ufolo.

Nzuá 8:36

O Mona se ua mi bhana ufolo, mu kala ni ufolo ua kidi.

II Kolindo 3:17

Mu kibatuʼiki kia Mikanda Ikôla, o bhuambe exi Ngana, a tange o Nzumbi ia Nzambi. O bhuoso-phe bhu kala o Nzumbi ia Ngana, bhu kala ufolo.

II Kolindo 6:11

Enu makamba a kazola mu mbanza ia Kolindo, tata, mu ku mi tela maka tua mi tangela o kidi, o muẋima uetu tua mi jikuila-u muene.

Jihebeleu 12:1

Mukonda dia kiki, etu a tu bhake bhu ʼaxaxe kuala kifuẋi kionéne kia jimbangi javulu. Tu tudienu ioso i tu lalamesa, ni kituxi kioso kia tu naminina, tu lengienu ni kukolokota o dikanga dioso dia tu kala ku pholo.

I Phetele 2:16

Kia di kalela mu jifôlo, ufolo uenu ki u kale divunga dia kusueka usueia, maji mu kala-phe mu abhika angene a Nzambi.