Jisálamu 119:3 - O Mikanda Ikola

³ Euá, a fula muene kubhanga ima ia kubhengalala, maji a kuata kuenda jinga mu jinjila jê.

Jisálamu 119:3 ပူးပေါင်းရင်းမြစ်များ

Jobe 36:11

O kia muʼivua hé a mu bhikila, o izuua iâ a kà i zubhila mu kuzediua, o mivu iâ ia kà bhua ni mbote.

Jelemiia 7:23

Maji eme nga a tendelele kiki, ngixi: Bhanenu mátui ku dízui diami, eme ngi kale ngi Nzambi ienu, enu mu kale mu mundu uami; endenu ni kuendela mu njila ioso i ngi mi tuma eme, nda mu bhanduluke.

Izekiiele 18:17

Uebhesa o lukuaku luê kua phulungu ua tate, ka bhana dikongo dia kuvualesa kitadi, mba mu kutambula a mu telaku, nʼende ni kubhanga mabatuilu mami ni kuenda mu jingonge jami, muthu ió ka fu mu kikuma kia tatʼâ, ni kidi muene u kola muenhu.

I Nzuá 3:9

Muthu uoso a mu vuala kua Nzambi, u fula kuta ituxi, mukonda o Nzumbi ia Nzambi ia mu tungu moxi iene i kalakala momuʼê. Kienhiki, ka tena-phe kuta ituxi, mukonda o Nzambi muene Tatʼâ.

I Nzuá 5:18

Tua kʼijiia kuma muthuu uoso uala monʼa Nzambi, ka xikina kuta ituxi, mukonda muthu uoso a mu vuala kua Nzambi, Monʼa Nzambi u mu langa, o Diabhu ió mukua kutondalesa ka tena ku mu kuata.