Jisálamu 119:2 - O Mikanda Ikola

² A lungu ió aiuka o umbangi uê, a mu u sota muene ni muẋima uoso.

Jisálamu 119:2 ပူးပေါင်းရင်းမြစ်များ

I Jisobha 2:3

Kumbidila o utuminu ua Jihova Nzambi ié, u ende jinge mu njila jê, u aluke o ijila iê, ni itumu, matetuluilu mê, ni maumbangi mê, kala kia i soneka mu ngonge ia Mozé, phala u kale ni kubhanduluka mu ima ioso i u bhanga, ku ididi ioso ku u di tela.

I Malunda 22:19

Dibhakudienu-phe, kindala, ni muẋima uenu uoso ni muenhu uenu uoso mu kusota Jihova Nzambi ienu. Di iudikienu ue, nda mu balumuke, ni mu tunge o kididi kikôla kinéne kia Jihova Nzambi, phala o álaka ia kikutu kia Jihova, ni itutu iokolese ia Ngana Nzambi, eze na-iu mu inzo iii ia tembulu, ia-nda ku tungila o dijina dia Ngana.

II Malunda 31:21

O mu ima ioso i andeka kubhanga, ku kikalakalu kia inzu ia Nzambi, ni mu kitumu, ni ku ijila, phala kusota Nzambi iê, ua ki bhange muene ni muẋima ua muvuimba, anga u kala ni kuzediua.

Jisálamu 105:45

phala o itumu iê a i kuate muene, o ijila iê a i tumake. Haleluia!

Jisálamu 119:10

Nga ku soto, tata, ni muẋima uami uoso; ku ngʼehelele kúxia o itumu ié ni ngʼila muengi.

Jisálamu 119:101

Njila joso jaiibha, nga fulu ku ji enda, phala ngi di longe o maka mé.

Jisálamu 119:115

Ngi tundidienu bhu mbandu, enu mua solo kubhanga kiaiibha, mukonda ngʼandala kubhaka o ijila ia Nzambi iami.

Jisálamu 119:146

Nga di kola ko kué, ngi bhulule, Ngana, ngi kaiejele muene mu kaiula ké.

Jisálamu 119:17

Ngi bhandulule, Ngana, ngi laie, ngi selevende ié; phala ngʼijiie kualuka o maka mé.

Jisálamu 119:22

Eme-phe ngi katule o môndo ni malebhu; kuma o umbangi ué nga u kuata muene.

Jisálamu 119:33

Ngi longe, u Jihova, o njila ié kioso ki ua i xinda, eme ngi i kuate muene katé ku ia suku.

Jisálamu 119:34

Ngi bhane kilunji, ngʼaluke o ngonge ié; ngi ta-ku muene muẋima uami uoso.

Jisálamu 119:57

Jihova muene dikânda diami di nga solo; nga ki tange muene kuma, ngʼaluka o maka mé.

Jisálamu 119:69

Akua izala a ngʼona kiavulu milonga; maji eme-phe ni muẋima uami uoso, ngʼaluka o ijila ié.

Jisálamu 119:88

Ngi bhane nguzu iobhe mu kiadi kié, Ngana Nzambi; umbangi ua dikanu dié, ngʼijiie kiambote o ku u aiuka.

Jisálamu 25:10

Jinjila ja Jihova jene joso ja henda ni kidi; muene u di tuma ni ió oso a kuata kikutu kiê ni maumbangi mê.

Jisabhu 23:26

Monʼami ngi bhane o muẋima ué, o mesu mé mʼende ni kuuabhela jinga o jinjila jami.

Jelemiia 29:13

Mua-nda ku ngi sota, anga mu ngi sanga, kioso ki mu ngi sota ni muẋima uenu uoso ua muvimba.

Izekiiele 36:27

Anga mʼoxi dienu nga kà tula-mu o nzumbi iami, ni ngi mi bhangese kuenda mu jingonge jami, ni kubhaka o mabatuilu mami, ni muende ni ku a bhanga.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Matendelelu 4:29

Kienhokio-phe, kuenhoko ua kà sota Jihova Nzambi ié, anga u mu sanga, se u mu sota ni muxima uê uoso ua muvimba, ni muenhu uê uoso ua muvimba.

Matendelelu 6:17

Kala kiki, kalenu ni muanu ua kualuka o ijiia ia Jihova Nzambi ienu; alukenu ue o ma-umbangi mê, ni jingonge jê jene ku mi lekela.

Matendelelu 6:5

Zola-phe Jihova Nzambi ié ni muxima ué uoso, ni muenhu ué uoso, ni nguzu ié ioso.

I Nzuá 3:20

Mukonda o muẋima uetu se ua tu êlesa, tuejiia kuma Nzambi uala kota o muẋima uetu ndenge, kuma Muène uejiia o ima ioso.