Jisálamu 119:175 - O Mikanda Ikola

¹⁷⁵ Muenhu uami u laie, u kale mu ku ku ximana eie; o kutetulula kué ku ngi kuatekese.

Jisálamu 119:175 ပူးပေါင်းရင်းမြစ်များ

Jisálamu 119:17

Ngi bhandulule, Ngana, ngi laie, ngi selevende ié; phala ngʼijiie kualuka o maka mé.

Jisálamu 119:75

Nga kʼijiia muene, u Jihova, kuma o mabatuilu mé ma kidi kioso; o ki ua ngi talesa hadi, ua ki bhange muene ni ufiiele.

Jisálamu 30:9

Eie, Ngana, u katula-ku ihi se eme nga fu, o muenhu uami ni u di boto mu dikungu? Manhi, o mavu, a tena dingi ku ku ximana? Mavu a tena dingi kutanga o kukumbidila kué?

Izaía 38:19

Kikale o athu ku muenhu, mukonda athu ku muenhu, ene ngó a ku ximana, kala eme ki ngala kubhanga leluʼiki. O tata, ua kʼejidisa o kidi kié-eie, u Nzambi, ku anʼê.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.