Jisálamu 119:174 - O Mikanda Ikola

¹⁷⁴ O kubhuluka kué, u Jihova, nga ku kuatela o hânji; mu ngonge ié muene mua ngi kala o kuzediua kuami.

Jisálamu 119:174 ပူးပေါင်းရင်းမြစ်များ

Dimatekenu 49:18

Nga kinga ubhulukilu ué, u Jihova.

II Samuuele 23:5

Dibhata diami manhi ki kiene ki dia tungiua ku mesu ma Nzambi? Kuma ua te ni eme kikutu ki nangenena, kia jimbuluka mu ima ioso, kiókondeke; ioso ia kubhanduluka kuami, ioso ia mbote i ngʼinda, manhi ki muene u i buingitisa?

Jisálamu 1:2

Muene-phe o ngalasa iê u i sanga mu ngonge ia Jihova; o ngonge iê iene ia banza mu muanha ni mu usuku.

Jisálamu 119:111

Umbangi ué uene u nga tambula kuma undundu uami sé thembu, mukonda uene ua ngi bhana o kusanguluka mu muẋima.

Jisálamu 119:16

O kutonoka kuami, ngi suka bhu mbambe ia mixinda ié; o maka mé ku muẋima uami, ka-nda kúbhua-ku.

Jisálamu 119:162

Nga sanguluka mu kuívua o maka mé, kala muthu ua bongo mbole ia dikota.

Jisálamu 119:24

Maumbangi mé ue mene ma ngi kala mu vondadi, mene ma di bhange o jindongixi jami, ji ngi bhana o kaiula.

Jisálamu 119:41

Jihenda jé jize ji ngi sange, u Jihova, ni kubhuluka kuene ku tuevila ku maka mé.

Jisálamu 119:47

O kutonoka kuami, mbambe mu itumu ié; kuma ioso eie i ua tumu, iene ia ngi uabhela kiavulu.

Jisálamu 119:77

Jihenda jé, Ngana, ji ngi sange, phala ngi laie; kuma o ngonge ié, iene i ngi bhana o kusanguluka.

Jisálamu 119:81

Muenhu uami ua senduka ni ku kinga o ubhulukilu ué, maji kizuelu kié nga ki dielela.

Jisabhu 13:12

Kudielela kua kokoloka, ku sukisa o muẋima; maji o kiendi o muẋima, kuila kia bhixila, ki di-bhanga muxi ua muenhu.

Mukumbi ua Mikumbi 5:8

Nga mi lokela enu mu anʼa ilumba ia Jeluzaleme, kuila: Se kazola kami mua mu sange, mu tangedienu muexi: Eme nga kate ni jihenda!

Filipe 1:23

Ngala-phe bhu kibhidi kia ngi phopheka ku mbandu ni mbandu, mukonda ngala ni vondadi iavulu ia kukatuka kunu, phala kuà kala-mi kiá ni Kristu; kuma ujitu uê u kala kotʼ èlele.