Jisálamu 119:173 - O Mikanda Ikola

¹⁷³ Lukuaku lué luize mu ku ngi kuatekesa, kuma eme nga solo muene o ijila ié i ua xindi.

Jisálamu 119:173 ပူးပေါင်းရင်းမြစ်များ

I Malunda 4:10

Mbata Jabeze uadionda Nzambi ia Izalaiele, kuila: Se u ngi zediuisa kiavulu kinéne, o jimbambe jami ni u ji kudisa dingi muene, o lukuaku lué hé lu ngʼendesa, hé ubhangesa kuila o dibhebhu ki di ngi tule anga u ngi konda o malamba! Nzambi anga u mu bhanga kioso kia mu bhingi.

Jisálamu 119:111

Umbangi ué uene u nga tambula kuma undundu uami sé thembu, mukonda uene ua ngi bhana o kusanguluka mu muẋima.

Jisálamu 119:117

Eie se u ngʼimika, ki ngi dibhale dingi, kana! Ngi kale jinge mu xila o ilekelelu ié sé ngó kulueza.

Jisálamu 119:30

Eme nga solo uendelu ua ufiiele; ima ioso i ua tetulula nga i bhake muene ku mesu.

Jisálamu 119:35

Ngʼendese, Ngana, mu hoka ia itumu ié; kuma muene mua ngi kala o kusanguluka kuami.

Jisálamu 119:40

Ngi tale, ki ngalʼiki, kuma ijila ié iene i ngʼinda jinga; ngi suinise, Ngana, mu kukumbidila kué.

Jisálamu 119:94

Eie-muène ua ngʼivu, ngi bhulule, Ngana, kuma ngi ué; mukonda o ijila ié nga i bhindamena muene.

Jisálamu 37:24

Né ua di bhale, ka di bhalelà-ku; kuma Jihova u mu kuata ni lukuaku luê.

Jisabhu 1:29

Mbata ene o kuijiia a dizemba na-ku; a di tunu kusola o uoma ua Jihova.

Marku 9:24

Kithanganʼokio, o tata uavu monʼe u di kola, uixi: Nga xikana, Ngana! Ngi kuatekese mu kukamba kuxikana kuami!

Luka 10:42

Maji kia kate-phe ngó kima kimoxi: Madiia ua solo o mbandu iambote, kà tena ku mu tambula-iu.

II Kolindo 12:9

Muène-phe ua ngambela uixi: O kiadi kiami ki ku sokesa-na-u. Kuma nguzu iami i beta kota mu kutena mu ku bhuila kué. Uila kiki-phe, nga sanguluka, kimuua ngi di fiiala o kubhuila kuami, phala nguzu ia Kristu i kale ni kutena momuʼami.

Matendelelu 30:19

Ni diulu ni oxi a ngi kale jimbangi, kuma nga ku tudila lelu o muenhu ni kúfua; nga ku tudila ue o kuzediua, ni kuxixima, sola-phe muenhu, nda u laie, nʼeie ni mbutu ié.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

Josuué 24:15

Maji-phe, se kia mi ibhila ku mesu menu o kubhikila Jihova, leluʼidi-phe Solenu kiá uoso mua fuama o ku mu bhikila: se muedi mu xingidisa o mahamba a xingidisa jinga o jitata jenu kia kexi mu sámbua dia ngiji ia Ufalate, mba-phe mu xingidisa o mahamba ma akua Mamodi avu o ixi iii mu mua tungʼumu, enu kiá! Maji eme-phe ni dibhata diami, tu bhikila Jihova.

Josuué 24:22

Eme Josuué, uixi: Kalenu-phe mu jimbangi, kuma enu-enu mua solo Jihova, phala ku mu bhikila. Kuala ene, exi: Tu jimbangi muene!