Jisálamu 119:172 - O Mikanda Ikola

¹⁷² Dimi diami di kuate mukumbi uê ua kuimba; kuma o itumu ié ioso ia kidi ni kulunga.

Jisálamu 119:172 ပူးပေါင်းရင်းမြစ်များ

Jisálamu 119:128

Kala kiki, o ijila ié nga i mono kuiuka mu ima ioso; njila ioso ia makutu nguami na-iu dingi.

Jisálamu 119:13

Mizumbu iami ia kuata mukumbi ua kutanga o kufundisa kua dikanu dié, kuma kuasokelela kuoso.

Jisálamu 119:138

Umbangi ué u ua tubhula ua tetuluka muene, uezala kitongola katé bhu mbambe.

Jisálamu 119:142

O kuiuka kué kuiuka ku nangenena; o ngonge ié kiene o kidi.

Jisálamu 119:46

Ngi tanga jinga o umbangi ué, ni bhu pholo ia jingana, jisonhi ki ji tena ku ngi kuata.

Jisálamu 119:86

Itumu ié ioso-phe ia kidi; ene a ngi zukutisa sé kikuma; Eie, Ngana, ngi kudile.

Jisálamu 37:30

Dikanu dia muthu uaiuka di zuela uhete, maka ma kutetuluka ma mu kala bhu dimi.

Jisálamu 78:4

Etu uetu ki tu i dingila anʼâ, tu tangela muiji uengi ueza-ku o fuma ia Jihova, ni uzonda uê ni madiuanu mê ma kalakala.

Loma 7:12

O Kitumu-phe kia zele muene, o kijila ue kia zele, kia iuka, kia uabha.

Loma 7:14

Kuma etu tuejiia kuila o Kitumu kima kia nzumbi. Maji eme-phe ngi muthu ua kufua, a ngi sumbisa ku ituxi.

Efezo 4:29

Ki mu tunde ndaka iabolo mu kanu dienu. Maji o kuzuela kuenu ku kale kua kukuatekesa akuenu kukula mu kuxikana ni a mone kioso kia bhindamena, phala kuzuela kuenu ku bhange mbote kua oso evua.

Matendelelu 6:7

Anʼé u a longa muene o ku a bhaka ni ku a kumbidila; o ki u xikama mʼonzo ié, banza maka enhá; o ki u kala mu kuenda njila, enda ni maka enhá; o ki u zeka, zeka ni maka enhá; o ki u balumuka ku kilu, kuata maka enhá.

Kolose 4:6

O kuzuela kuenu ku kale kua ujitu, kuotoue ni môngua, phala uoso ua mʼibhula, mu ijiie ku mu vutuila kiambote ni ujitu.