Jisálamu 119:168 - O Mikanda Ikola

¹⁶⁸ Ijila ié nga i kuata muene kumoxi ni ma-umbangi mé; mukonda o jinjila jami joso, ja tukuluka ku mesu mé.

Jisálamu 119:168 ပူးပေါင်းရင်းမြစ်များ

Jobe 34:21

Mbata o mesu a Nzambi phe, a mu kengelela o njila ja muthu, hé a mona uendelu uê uoso.

Jisálamu 139:3

Ua tungula uendelu uami ni uzekelu, jinjila jami joso ja di monekena ko kué.

Jisálamu 98:8

Jihonga ji bhabhe kibhûbhu; o milundu ue i tele kumoxi o nzongo iâ ia kutana.

Jisabhu 5:21

Mbata mauendelu ma muthu-phe mene ku mesu ma Jihova; muene ukala mu kutongesa muoso mu bhita o muthu.

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.