Jisálamu 119:162 - O Mikanda Ikola

¹⁶² Nga sanguluka mu kuívua o maka mé, kala muthu ua bongo mbole ia dikota.

Jisálamu 119:162 ပူးပေါင်းရင်းမြစ်များ

Jisálamu 119:111

Umbangi ué uene u nga tambula kuma undundu uami sé thembu, mukonda uene ua ngi bhana o kusanguluka mu muẋima.

Jisálamu 119:14

Nga sanguluka mu ku kutuka mu njila ia umbangi ué, o jimbongo joso ja ngi kala ndenge.

Jisálamu 119:72

Ngonge i tunda mu kanu dié nga i mono kota mu kuta, o jisaku ja itadi ia ulu ni phalata, ndenge.

Jisabhu 16:19

Muthu sembele-ze o kukala ni muẋima ua batama, bhuamoxi ni ió oso a lenduka; dikue kuuana o mbole ia kubhunda ni akua izala.

Izaía 9:3

Eie ua sokolola o mundu iú, ua a bandekeza ue o kusanguluka; ene oso a-nda kusanguluka bhu pholo ié, kala ki sanguluka athu bhu thembu ia kumuna, mukuâ ni kiene kutana athu mu kuuana o madibhundila.

Jelemiia 15:16

Maka mé kioso ki nga ma sange, nga ma di lusolo, kuma maka mé ma ngi kala kutana ni kusanguluka mu muẋima uami; kuma a ngi luku dijina dié, eie u Jihova, Nzambi ia Ilombo Ieta.

I Samuuele 30:16

Anga u a kulumuisa. Kia zubha ku mu bheka, u sanga a di zanze mu mukâu uoso uenhó, ala mu kúdia ni mu kúnua, ni mu kina, mukonda dia imbamba iavulu ia bhûndu mʼoxi ia akua Fidíxia, ni mʼoxi ia Juda.