Jisálamu 119:160 - O Mikanda Ikola

¹⁶⁰ Tunde ku dimatekenu katé ku dizubhilu, maka mé kiene o kidi; kioso ki ua tetulula eie, muxinda bhu ndanji, ka ki lungulula dingi.

Jisálamu 119:160 ပူးပေါင်းရင်းမြစ်များ

Jisálamu 119:138

Umbangi ué u ua tubhula ua tetuluka muene, uezala kitongola katé bhu mbambe.

Jisálamu 119:142

O kuiuka kué kuiuka ku nangenena; o ngonge ié kiene o kidi.

Jisálamu 119:144

O kuiuka kua umbangi ué, kua kalʼé, ki kua kà bhua-ku dingi; ngi bhane-phe kilunji, nda ngi laie.

Jisálamu 119:152

O umbangi ué ió, nga kʼijiia tunde okulu kuma kima ki ua zuela, kia kolo muene, ki ki tena dingi kusangunuka.

Jisálamu 119:75

Nga kʼijiia muene, u Jihova, kuma o mabatuilu mé ma kidi kioso; o ki ua ngi talesa hadi, ua ki bhange muene ni ufiiele.

Jisálamu 119:86

Itumu ié ioso-phe ia kidi; ene a ngi zukutisa sé kikuma; Eie, Ngana, ngi kudile.

Jisabhu 30:5

Mbata o maka moso ma Nzambi, ma zela, ma kidi; mene o ngubu ixitila oso a mu dielela muene.

Ndongixi 3:14

Mbate nga kʼijiia kuila, ima ioso i bhanga Nzambi, i xalelà-ku kiá; ka tena dingi kubandekeza-ku kima, ka tena dingi ue ku katula-ku kima. O Nzambi ima ioso u i bhanga kienhiki phala a mu kuate jinge uoma.

Matesu 5:18

Mbata ngi mi tangela o kidi, katé bhua ka jimukina o diulu ni ixi, kana ngó kujimuka kapondo mba kama kosokoso kòfele ku Kitumu, katé bhua ka tenena o ima ioso.

II Timote 3:16

Kuma Mikanda ioso ia bhusu Nzambi, mikanda ia kubhandulula, ni mu kulonga o kidi, ni mu kubazela itondalu, ni mu kuiukisa iabhengalala, ni mu kuijidisa uendelu uambote.