Jisálamu 119:16 - O Mikanda Ikola

¹⁶ O kutonoka kuami, ngi suka bhu mbambe ia mixinda ié; o maka mé ku muẋima uami, ka-nda kúbhua-ku.

Jisálamu 119:16 ပူးပေါင်းရင်းမြစ်များ

Jisálamu 1:2

Muene-phe o ngalasa iê u i sanga mu ngonge ia Jihova; o ngonge iê iene ia banza mu muanha ni mu usuku.

Jisálamu 119:109

Muenhu uami ithangana ioso kifua nga u zenzeka bhu maku, maji o ku ngonge ié ki ngi jimbi-ku.

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Jisálamu 119:14

Nga sanguluka mu ku kutuka mu njila ia umbangi ué, o jimbongo joso ja ngi kala ndenge.

Jisálamu 119:141

Nga tolo muene, ki ngalʼiki, ngi muthu a ngi tobhesa; maji o ijila ié ki i ngi jimbi, kana.

Jisálamu 119:143

Phaxi ni lamba ia ngi kuata muene; maji o kubindumuka kuami kuala mu itumu ié.

Jisálamu 119:153

Ngi tale ki nga bhondalala, u ngi bhandulule; kuma ngonge ié, iene i nga te o muẋima.

Jisálamu 119:174

O kubhuluka kué, u Jihova, nga ku kuatela o hânji; mu ngonge ié muene mua ngi kala o kuzediua kuami.

Jisálamu 119:176

Ku nga tundu nga jimbila kala mbudi; selevende ié Ngana, mu sote; kuma o itumu ié ki nga i jimbi kana.

Jisálamu 119:24

Maumbangi mé ue mene ma ngi kala mu vondadi, mene ma di bhange o jindongixi jami, ji ngi bhana o kaiula.

Jisálamu 119:35

Ngʼendese, Ngana, mu hoka ia itumu ié; kuma muene mua ngi kala o kusanguluka kuami.

Jisálamu 119:47

O kutonoka kuami, mbambe mu itumu ié; kuma ioso eie i ua tumu, iene ia ngi uabhela kiavulu.

Jisálamu 119:61

Mikolo ia ísueia ia ngi bhidile muene; maji eme-phe o ngonge ié ki ia ngi jimbi, kana.

Jisálamu 119:70

Ene mixima iâ ia nete kala banha, ki i moneka kiáxi; eme-phe ngonge ié iene ia ngi kala mu vondadi.

Jisálamu 119:77

Jihenda jé, Ngana, ji ngi sange, phala ngi laie; kuma o ngonge ié, iene i ngi bhana o kusanguluka.

Jisálamu 119:83

Mbata nga di bhange kala mbinda ia kibha, ia nhiengena bhu dixi; maji ku kaiula ké, ki nga jimbi-ku.

Jisálamu 40:8

Nga sanguluka mu kubhanga ki ua mesena eie u Nzambi iami; xi, mbata, o ngonge ié ia ngi kala moxi dia muẋima.

Jisabhu 21:15

Muiuki, o kusanguluka kuê u ku sanga mu kubhanga ima ia iuka; maji oso a bhanga kiaiibha, o kuiibha kuâ, kuia ni ku a sasumukisa.

Jisabhu 3:1

Monʼami, ngonge iami ku i jimbe, o muẋima ué ubhake ijila iami.

Jelemiia 15:16

Maka mé kioso ki nga ma sange, nga ma di lusolo, kuma maka mé ma ngi kala kutana ni kusanguluka mu muẋima uami; kuma a ngi luku dijina dié, eie u Jihova, Nzambi ia Ilombo Ieta.

Loma 7:22

Ngejiia kuma moxi diami nga sangulukila o Kitumu kia Nzambi.