Jisálamu 119:150 - O Mikanda Ikola

¹⁵⁰ Enhó andala ku ngi bhanga o phulu, a zukama kiá, ngonge ié a i xi, a baluka dikanga.

Jisálamu 119:150 ပူးပေါင်းရင်းမြစ်များ

II Samuuele 17:16

Kikiphe tumenu lusolo kutangela Davidi, kuila: Kana kutula usuku iú ua lelu ku sámbua kunu bhu tabhu dia iphenza ia kikangalakata; kota u zaúka muene lusolo ku sámbua diodio sé kufula, kuma ki u fula ku ki bhanga, sumba muenexi u buika ni mundu uoso aia-nê kumoxi.

Jobe 21:14

Eneʼâ-phe, ene muene ambela Nzambi, kuila: Tunda bhu mbandu ietu! Mbata o jinjila jé, ki tua bhindamena ku jiʼjiia.

Jisálamu 22:16

Kiene ki ngalʼiki, jímbua ja ngi kondoloka; kibuka kia ingumba kia ngi phopheka, a ngi kubula o maku ni inama,

Jisálamu 27:2

Kioso akua phulu, jinguma jami ja ngi kàla ni ufe, ki ejiie phala ku ngi dia xitu, a di bhukana, a di vundu bhoxi.

Jisálamu 50:17

Eʼmuene kua xikina ku ku longa, maka mami ua ma takuila kuema dié.

Jisabhu 1:22

Enu ilalu, ulalu uenu mu suka na-u bhebhi? Enu jisemenhi, usemenhi kifua ki mu ueha dingi? Enu mu ioua, o kuijiia mu di zemba na-ku, kuambe?

Jisabhu 1:7

Uoma ua Jihova diene o dimatekenu dia unjimu. Maji o iôua-phe a dituna o kuijiia kua unjimu ni ulongelu.

Jisabhu 28:9

Uoso o mátui mê u ma landukisa, nguaiê kubatekela mu kuividila o ngonge, katé ngó ni musambu uê, u kituka kisunji kiaiibha kua Ngana!

Izaía 59:11

Etuʼenhoso tua mu dila kala itôto, o kukema kuetu kala membe, kua kalé kiá; tua kingile o kulúnga maji ki kua moneka; tua kingile kubhuluka, maji kua tu kala dikanga.

Izaía 59:14

Kienhiki o ufundisilu ua kidi ua vutuka kuema, o kuiuka kua di takula dikanga, mukonda o kidi mu nzunga kia muia ni ku-dibhukana, o ku sokelela ki ku xikina ku bokona.

I Samuuele 23:16

Jónata, monʼa Saúlu, anga u balumuka, uiza kua Davidi mu ditutu bhu Holesa, u mu suinisa muẋima mua Nzambi,