Jisálamu 119:14 - O Mikanda Ikola

¹⁴ Nga sanguluka mu ku kutuka mu njila ia umbangi ué, o jimbongo joso ja ngi kala ndenge.

Jisálamu 119:14 ပူးပေါင်းရင်းမြစ်များ

Jobe 23:12

Ku kijila kia mizumbu iê, tundeʼami ukulu kiluua ngi tunda-ku; o maka ma dikanu diê, ma beta ku ngi uabhela o kúdia kuami ndenge.

Jisálamu 112:1

Haleluia! Ua lungu o muthu ió uene ni uoma ua Jihova, ua bhindamena kuijiia kiambote o ijila iê,

Jisálamu 119:111

Umbangi ué uene u nga tambula kuma undundu uami sé thembu, mukonda uene ua ngi bhana o kusanguluka mu muẋima.

Jisálamu 119:127

Eme-phe itumu ié nga indi muene, ulu ua ngi kala ndenge, né ulu muene uafina.

Jisálamu 119:162

Nga sanguluka mu kuívua o maka mé, kala muthu ua bongo mbole ia dikota.

Jisálamu 119:47

O kutonoka kuami, mbambe mu itumu ié; kuma ioso eie i ua tumu, iene ia ngi uabhela kiavulu.

Jisálamu 119:72

Ngonge i tunda mu kanu dié nga i mono kota mu kuta, o jisaku ja itadi ia ulu ni phalata, ndenge.

Jisálamu 119:77

Jihenda jé, Ngana, ji ngi sange, phala ngi laie; kuma o ngonge ié, iene i ngi bhana o kusanguluka.

Jelemiia 15:16

Maka mé kioso ki nga ma sange, nga ma di lusolo, kuma maka mé ma ngi kala kutana ni kusanguluka mu muẋima uami; kuma a ngi luku dijina dié, eie u Jihova, Nzambi ia Ilombo Ieta.

Matesu 13:44

Utuminu ua Diulu ua difangana ni kitadi kiósueke ku mukáu; anga bhu kala muthu u ki bonga, hè u ki dinga. Mu kutana kuê anga uia, u sumbisa ioso iala na-iu, anga u sumba o mukáu uenhó.