Jisálamu 119:139 - O Mikanda Ikola

¹³⁹ O muanu uami, hinu u ngi dia! Mukonda o jinguma jamiʼojo nguauâ kusuua o maka mé.

Jisálamu 119:139 ပူးပေါင်းရင်းမြစ်များ

I Jisobha 19:10

Muene uixi: Eme, Ngana Nzambi ia Ifuẋi, nga mu dielela kiavulu, ngala ni muanu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka umai, ia a mu sota dingi ku ngi katula muenhu uami.

I Jisobha 19:14

Muene-phe, uixi: Eme Ngana Nzambi Ia Ifuẋi nga mu dielela kiavulu, ngala ue ni muanu ua vulu ua imbamba iê, mukonda anʼa Izalaiele kikutu kiê a ki xi, kalatódio jê a ji bulu, ni jipolofeta jê a ji jibha-jibha ku xibhata; eme ngó nga xala-ku ubheka uami, maji a mu sota dingi ku ngi katula o muenhu uami.

Jisálamu 53:4

Enhó a kalakala ituxi, kífua a lémbua kutongolola, a bhingi mundu uami a u kita mbolo iâ ia kúdia, ka moneka uoma ua Nzambi?

Jisálamu 69:10

Nga didi, nga di talesa muene hadi ni kujila; maji o kienhiki ue, kia ngi bongesa malebhu!

Jisálamu 69:9

Kuma o muanu uaʼnzo ié uene ua ngi di, o manongo a ió a ku nongena eie, a ngi tula eme ku thandu,

Matesu 21:13

Anga ua ambela, uixi: Kiosoneke kuma: Inzu iami a kà ixana inzu ia kusamba. Enu-phe mua i bhange ngenda ia kusuamena miíi!

Matesu 21:16

Anga a mu ambela, exi: Ua kʼivu kiala mu zuela iá? Jezú uixi: Xi! Enu kiluua mu tanga mu Mikanda kuila: Diximanu diê dia fuama kiengi mu kanu dia anʼandenge ni tuana bhu maku?

Matesu 21:42

Kuala Jezú: Enu mbebhu mu Madivulu ma kôla kiluua mu tanga-mu kuila: O ditadi dia ditunu jimesene, diene dia kuatesa bhu thungi, kienhiki kia tundu kua Nzambi, ku mesu metu kisúma?

Matesu 22:29

Jezú-phe ua a vutuila, uixi: Enu mua tondala, mukonda Madivulu Makôla ki mua mejiia, ni kutena kua Nzambi ki mua kuijiia.

Matesu 9:13

Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

Nzuá 2:17

Jixibulu jê anga ji lembalala kuma a ki soneka mu Mikanda Ikôla, exi: O henda i nga kuatela inzu iê, eie u Nzambi, ioha o muẋima uami kala túbhia.

Jipoxolo 13:27

Kuma ió a tungu mu Jeluzaleme ni afundixiʼâ ka tongoloka kuma Jezú muene o Mubhuludi. O maka ue ma jipolofeta ki ma a tetulukila, sumbala ene ku ma tanga izuua ioso mu jisabhalu. Maji né kieniokio, mu kuelêsa Jezú mizambu ia jipolofeta a i kumbidila, sè ku kʼ ijiia.