Jisálamu 119:132 - O Mikanda Ikola

¹³² Ngi tale kunu ku ngala, u ngi lendukile, kala ki uene kubhanga oso a zola o dijina dié.

Jisálamu 119:132 ပူးပေါင်းရင်းမြစ်များ

II Samuuele 16:12

Imoxi Jihova u suua o kutata kuami ni kulebhuka kuami, hé u ngi bhanga mbote mukonda dia jindaka jê ja ngi xingi kizuua kia lelu.

Jisálamu 106:4

Eme-phe, u Jihova, ngi xinganeke ni vondadi iambote kala ki uene kubhanga o mundu ué; ngi sange bhu ngala phala u ngi bhulule.

Jisálamu 119:124

Selevende ié mu bhange kala ki tuma o kiadi kié, u ngi longe ioso i ua lekelela.

Jisálamu 25:16

Ngi bhane Ngana o pholo, u ngi kuatele henda; kuma ngala ubheka, nga tate!

Jisálamu 25:18

Xinganeka o kukenanana kuami, ni kubhondalala kuami, u ngi loloke o ituxi ioso ia ngi nemena.

Jisálamu 5:12

Kuma eie, Ngana, u mukua kubhanga mbote kua ió uoso uaiuka; jihenda jé, u Jihova, ji kala ngubu ia ku mu xitila.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

I Samuuele 1:11

Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.