Jisálamu 119:120 - O Mikanda Ikola

¹²⁰ Xitu ja ngi teketa mukonda dia uoma ué, kuma o kufundisa kué, Ngana, ku kôla.

Jisálamu 119:120 ပူးပေါင်းရင်းမြစ်များ

II Jisobha 22:11

Hé ki bhita-phe kuila, o sobha kioso kia zubha kuívua o maka a divulu dia Kitumu, ua tandula izuatu iê.

I Malunda 24:30

o ana a Muxi, Mahedi, ni Edele, ni Jedimote; iá atokalele ku ana a akua Levi, kala kiatokala mu mabhata a jitata jâ.

II Malunda 34:21

Ndenu mua kà ngʼibhuile kua Jihova, kua iá a subhuka mua Izalaiele ni mua Juda, ku thandu dia maka a divulu didi dia bongo; mukonda o njinda ia Jihova ia vulu ia lundulukila ku thandu dietu; mukonda o jitata jetu ka bhake o kizuelu kia Jihova, phala kubhanga ioso kala kia i soneka mu divulu didi.

II Malunda 34:27

Kuma o muẋima ué eie ua teketa, eie ua tolokela Nzambi, kioso ki uevu o maka ma tange kubhanga o kididi kiki, ni ió oso a tungu-bhu, eie ua toloka bhu pholo iami, eie ua tandula o izuatu ié, eie ua ngi didila, eme ue nga kuivu, kienhiki kiene kiambe Jihova.

Jobe 23:15

Kiene kia mu ngi bhekesa kuteketa bhu pholo iê-muène; ki ngi xinganeka o ima ienhiʼii, ngi mu kala ni uoma!

Jobe 31:23

Kuma o njumbu ia Nzambi, phala eme, kima ki ngi kuatesa uoma, o kuimana bhu pholo ia unéne uê, ki ngeje kutena.

Jisálamu 119:53

Maji nga thathamana muene kiavulu, mu kumona athu abhukumuka, kioso kia bhumina o ngonge ié.

Jisálamu 88:16

Túbhia tué tua njinda tua ngʼaula, kuma tua ngi bhiti ku thandu; o jikaxtiku jé nga bhuuama na-ju.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Habakuke 3:16

Eme mu ku kʼivua, mu mala mua ngi bunguluka, mizumbu iami ia nguenguena mu kuívua o kilungutu kia dízui diâ; kilukutu kia kubola kia ngi bokona mu ifuba iami, anga moxiʼomo ngi kala mù teketa mudiʼami; nga-nda kunhoha anga ngʼila muene hudí mu kukinga o kizuua kia malamba mâ, Ngana kià kʼèjila o povo iene kusot, o ku tu jikinisa.

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

Jihebeleu 12:21

O kisuma kiokio kia kexi ku mona, kia a bhekelele uoma, katé ni Mozé, uixi: Nga mu teketa kiavulu ni uoma!

I Samuuele 6:20

Akua Bete-seme anga a zuela, exi: Nanhi u tena kuimana bhu pholo ia Jihova Nzambi i kôla kiki? O muene kutunda bho-bhuetuʼabha, uia kua nanhi?