Jisálamu 119:111 - O Mikanda Ikola

¹¹¹ Umbangi ué uene u nga tambula kuma undundu uami sé thembu, mukonda uene ua ngi bhana o kusanguluka mu muẋima.

Jisálamu 119:111 ပူးပေါင်းရင်းမြစ်များ

Jisálamu 119:127

Eme-phe itumu ié nga indi muene, ulu ua ngi kala ndenge, né ulu muene uafina.

Jisálamu 119:14

Nga sanguluka mu ku kutuka mu njila ia umbangi ué, o jimbongo joso ja ngi kala ndenge.

Jisálamu 119:162

Nga sanguluka mu kuívua o maka mé, kala muthu ua bongo mbole ia dikota.

Jisálamu 119:174

O kubhuluka kué, u Jihova, nga ku kuatela o hânji; mu ngonge ié muene mua ngi kala o kuzediua kuami.

Jisálamu 119:74

Oso akua uoma ué, a sanguluka mu ku ngi mona mesu, mukonda ngi muthu nga dielela ku kizuelu kié.

Jisálamu 119:92

Se nga kambele vondadi ia kukala mu ngonge ié, hinu nga buila kiá ukulu, mu kaẋi ka jiphaxi jene ku ngʼiza.

Jisálamu 16:5

Jihova muene u kala undundu uami, muene kimanga kiami; kubhanduluka kuami ku tunda bhu maku ma muene.

Jisálamu 19:8

Ijila ia Jihova ia tetuluka, i bheka ngalasa ku muẋima; kitumu kia Jihova kiazele, ki muikina o mesu.

Jisálamu 19:9

Uoma ua Nzambi ua ujitu, ua kenzuluka, ki u tena dingi kubhua-ku; o mabatuilu ma Jihova ma kidi, ma sokela, o mene moso ma iukila kumoxi.

Izaía 54:17

Falamenda ioso-ioso iòbhange phala ku ku kuama, ia-nda kulueza; o dimi dioso-dioso di ku tatela eie mulonga, mu kufunda, eie ua kà di belesa; o iú uene undundu ua jiselevende ja Nzambi, kuene ue kulûnga kuâ ku tunda kokuami, eme ngi Jihova.

Jelemiia 15:16

Maka mé kioso ki nga ma sange, nga ma di lusolo, kuma maka mé ma ngi kala kutana ni kusanguluka mu muẋima uami; kuma a ngi luku dijina dié, eie u Jihova, Nzambi ia Ilombo Ieta.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Matendelelu 33:4

Mozé ua tu tambuisa o kitumu, kuma uene undundu ua tokala o kionge kia Jakobo.

Kolose 1:12

Muenda ni kusanguluka mu kusakidila Tata ua tu bhangesa o kufuama kididi kietu mu undundu ua akua Ngana mu Utuminu ua mukengeji.

Jihebeleu 9:15

Kienʼ iki-phe, Kristu kiene kia mu bhekela kukala mutesi a kikutu kiobhe, phala oso ngó a exana kuala Nzambi a tene kutambula o mabesá ma nangenena ma polomesa iê. Kuma sai kalunga ka bhitile-bhu phala kutena kukula o athu ku ituxi iâ ia tele mu thembu ia kikutu kia diangele-ku.

I Phetele 1:4

Uila kiki, tua kinga kutambula kua Nzambi o mabesá ma bhakela o mundu uê. Muanda kumona o undundu ki uene kubola, ki uene kuxila, ku uene kulela, ua mi xikamena ku diulu.

I Phetele 1:8

Sumbala Kristu muene kiluua mu mu mona, maji mua mu zola. Sumbala kiki ki mua mu mono, maji mua mu xikana. Kienʼ iki, enu mua sanguluka kiavulu ni ngalasa ki i ẋikina ku tanga, ngalasa iavulu o uuabhelu.