Jisálamu 119:109 - O Mikanda Ikola

¹⁰⁹ Muenhu uami ithangana ioso kifua nga u zenzeka bhu maku, maji o ku ngonge ié ki ngi jimbi-ku.

Jisálamu 119:109 ပူးပေါင်းရင်းမြစ်များ

Jobe 13:14

Mukonda diahi ngi di numata o xitu iami ni mazu ami-eme-muène? Ngi tudilaʼhi muenhu uami bhu lukuaku luami eme-muène?

Jisálamu 119:117

Eie se u ngʼimika, ki ngi dibhale dingi, kana! Ngi kale jinge mu xila o ilekelelu ié sé ngó kulueza.

Jisálamu 119:152

O umbangi ué ió, nga kʼijiia tunde okulu kuma kima ki ua zuela, kia kolo muene, ki ki tena dingi kusangunuka.

Jisálamu 119:16

O kutonoka kuami, ngi suka bhu mbambe ia mixinda ié; o maka mé ku muẋima uami, ka-nda kúbhua-ku.

Jisálamu 119:83

Mbata nga di bhange kala mbinda ia kibha, ia nhiengena bhu dixi; maji ku kaiula ké, ki nga jimbi-ku.

Loma 8:36

Kala kia ki soneka mu Mikanda Ikôla, exi: Mukonda diê Eie tuala bhu kibhidi kia kalunga kumbi dioso dia kambamba. A tu kita tu jimbudi jiia bhu matadolo.

I Kolindo 15:31

Phange jami, eme o kalunga ka ngi zukama izuua ioso! O kienʼ iki se nga ki ambe, nga ki ambela o kuzangalala ku ngala na-ku mukonda dienu enu, mu kisangela ni Jezú Kristu Ngana ietu.

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

Afundixi 12:3

O ki nga mono enu mua kambe ku ngi kudila, nga te o muenhu uami bhu lukuaku luami nga sambuka mu kúlua ni anʼa Amone, Jihova-phe ua a bhakula bhu lukuaku luami; o ki tualʼiki-phe kima kiahi ki mi bhangesa ku ngi sanga kiki ni jimvunda?

I Samuuele 19:5

Kuma muene muenhu uê ka u suu, kifua ua u ambatele bhu lukuaku, anga u jibha mukua Fidíxia, Jihova iu ua bhesa kikóue kia dikota kua Izalaiele; eie-muène ue u mbangi kuma ua ki muene, anga u kala mu sanguluka; eie ua mu edile: Tanaku! Kiki-phe u tela-hi kituxi kia kuzunza manhinga a kambe mulonga, hé Davidi u mu jibhʼê ngó sé kikuma?

I Samuuele 20:3

Davidi anga u ta-ku kuloka, uixi: Tatʼenu ua kʼijiia kiambote kuma eme nga sange ngalasa ku mesu mé; iú uambe uixi: Jonata ka kʼijiie kienhiki, imoxi ki mu bhekela dilamba. Kia kidi kiene-phe, ngi loka muene kuila: Kala kiala Jihova ku muenhu, kala ué kiala o muenhu ué eʼmuene moxi, eme kiene ki ngalʼiki, dikanda dimoxi ngó dia ngi xala-ku ni kuia mu alunga.