Jisálamu 119:102 - O Mikanda Ikola

¹⁰² Jindóngo jé nga ditunu ku ji xia ni ngʼila muengi; mukonda eie ua ngi longo kiá.

Jisálamu 119:102 ပူးပေါင်းရင်းမြစ်များ

Jobe 36:22

Tala-phe, Nzambi u diʼdikiza kuma muene munéne mu kutena kuê! Nanhi u longa kala muene?

Jisálamu 18:21

Kuma nga kuata muene jinjila ja Jihova, Nzambi iami ki nga mu xibhaka hé ngi baluka.

Jisabhu 5:7

Kiki-phe enu mu ana, ngʼivienu kunu, maka ma dikanu diami ki mu a lueze.

Jelemiia 32:40

Hé nga kà ta-nâ kikutu ki nangenena, ki kia kà a sondoloka dingi, mbé o ku a bhanga mbote, anga nga kà ta uoma uami ku muẋima uâ, phala eme ki mungu dingi a ngʼixa.

I Tesalonika 2:13

Mukonda dia kiki ue, tuene mù sakidila jinga Nzambi, sé ngó kufula. Kuma o thembu ia mi sange o Maka metu ma Ukunji koko, maka mene ma Nzambi, enu mua evu, mua a tambulula, kana kuma maka a muthu maji kuma ene o Maka ma Nzambi, mu kidi. Mukonda o Nzambi uala ku mi kalakala moxi dienu oso mua xikana.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

I Nzuá 2:27

Maji enu-phe Kristu ua mi lunduluila o Nzumbi Ikôla ku thandu dienu. Kiosuʼiki ió mua mu tambula kua muène ua tungu moxi dienu, ki mua bhingi dingi muthu ku mi longa. Mukonda o Nzumbi Ikôla muène u longa mu ima ioso, kuma muène o kulonga kuê kua kidi ki kua makutu, kana. Kala kiki, kioso kiá kia mi longo o Nzumbi Ikôla, ʼkiene ki mu kuata, mu jijile o kudiongeka ni Kristu.