Jisálamu 118:27 - O Mikanda Ikola

²⁷ Jihova muene Nzambi ietu, ua tu bhana o mukengeji; sata ia fesa kutenu-iu mikolo, mu i bheke katé bhu jimbinga ja kalatódio.

Jisálamu 118:27 ပူးပေါင်းရင်းမြစ်များ

I Jisobha 18:21

Elija bhenhobho u zukama ku kifuẋi kioso hé u ambela, uixi: Kumbi kuxi di mua-ndu lémbua kutenguina bhu kaẋi ka ixinganeku iiadi? O Ngana se muene Nzambi, mu kaiedienu! Maji ki ki kala o Bahale mua mu mono kuma muene ua tokala, mu kaiedienu. Kifuẋi-phe a di xibhʼâ, ka mu vutuila kima.

I Jisobha 18:39

Mundu uoso kia mono kiki, kifuẋi kioso a dibhala jipholo jâ bhoxi, exi: Jihova muene ngó Nzambi! Ngana muene ngó Nzambi!

I Malunda 29:21

O mu kizuua kiamukuá hé a satela Jihova o jisata ni kubhana kua Jihova o maujitu ma kuoha, midi ia ngalote ia ngombe, midi ia ilumbe ia mbudi, midi ia tumbudi, ni mibhaku ia makunua; ni jisata ja nzungule ja sate akua Izalaiele oso.

Estere 8:16

Jijudé anga a kala mu kuimba, ni kutana, ni ngalasa, ni ujitu mukonda kua a tuila mukengeji uâ.

Jisálamu 18:28

Jihova u ngi bambuila kandeia kami, o mu usuku mu ngi bhita, Nzambi iami u ngi zelesela-mu.

Jisálamu 37:6

Muene u idikiza o kidi kié kala muanha; kulunga kué ku moneka muene kala kumbi dia mediia.

Makatukilu 27:2

U iudika ni jimbinga ji kala bhu jithungi jê jiuana, ji kuatenena koko, ki ji ẋikina ku ji katula-ku; kene koso anga u ka xiia ngôndo.

Makatukilu 38:2

Ua iudika ue ni jimbinga bhu thungi jê jiuana; a ji sudila koko ki ji ẋikina ku ji katula-ku; anga u ka folala ni ngôndo.

Izaía 60:1

Phaphumuka, u muike; mbata mukengeji ué iu uiza kiá, o kubenha kua Jihova ku banda kiá ku thandu dié.

Izaía 9:2

O mundu a xikamene mu kitombe a mono mukengeji uònene; o athu a kexi mu kuendela mu kididi kia kizenji kia Kalunga, kuaki mukengeji uâ.

Mikeia 7:9

Kia kà ngi bazela Ngana, nga kà dixibha muene, mukonda nga te kituxi kua muene. Mulonga uami kuila ua u fundisa kiá, muene nʼangi xindila kioso kia ngi tokala, ua kà ngi bheka kua zele, eme anga nga kà mona o kufundisa kuê kua kidi.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Nzuá 8:12

Jezú anga u kuata kua ambela dingi, uixi: Eme ngi mukengeji ua mundu. Uoso u ngi kaiela eme, kʼ ende mu ʼitombe, maji u kala ni mukengeji ua muenhu.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.