Jisálamu 118:17 - O Mikanda Ikola

¹⁷ Ki ngi fu dingi, ngi laia muene; hé nga kà jimbuila athu kioso ki kalakala Jihova.

Jisálamu 118:17 ပူးပေါင်းရင်းမြစ်များ

Jisálamu 107:22

A mu satele jisata ja kusakidila, o ikalakalu iê a i tumbule ni kuimba ni kusanguluka.

Jisálamu 119:13

Mizumbu iami ia kuata mukumbi ua kutanga o kufundisa kua dikanu dié, kuma kuasokelela kuoso.

Jisálamu 145:4

Muiji umoxi u tanga o ikalakalu ié, muiji uamukuá nʼa ijiie, ni undanda ué u uene mu kubhanga.

Jisálamu 40:10

Mbote ié, ki nga i sueka ngó mu muẋima uami, lémbua! o henda ié ni kidi kiê ki nga i dingi, kana, kuila o mundu ua kionge kiadikota a kamba ku i ijiia.

Jisálamu 40:5

Jihova, Nzambi iami, madiuanu mé mavulu mʼu ua kalakala, ni mabanzelu mé ma ku tu banza etu; kana-ku dingi muthu tu ku fika-nê; mabanzelu mé se tuambe ku a tanga ni ku a tumbula mu dimoxi-dimoxi, ki bhuala muthu u tena ku a kuata konda.

Jisálamu 6:5

Kuma mu kúfua ki muala dingi ku ku xinganeka; kuʼalunga, nanhi dingi u tena ku ku sakidila?

Jisálamu 73:28

Eme-phe kia ngi uabhela o kuzukama kua Nzambi; nga solo Ngana Nzambi, muene u kala kibúta kiami, phala ngende jinge ni kutumbula o ikalakalu ié ioso.

Jelemiia 51:10

O kulunga kuetu, Jihova ua ku bheka mu mukengeji; zenu, nda tu ki tange mu Ziione, o kikalakalu kia Jihova, Nzambi ietu.

Habakuke 1:12

Tunde mʼokulu Eie kʼemuene u Jihova, Nzambi iami, Ukôla? Ki tualʼiki, Ngana, ki tua-nda kufuila-bhu; kuma Eie Ngana, o muiji iú ua u te phala kufundisa ni kubatula, kiene ki ua ki bhangela, Eie u ndanji ia kidi, kuma muiji iú ua u xindi kienhiki phala kulonga.

Nzuá 11:4

Jezú-phe kia kʼivu, uixi: Kukata kuku, ki kukata kua Lázalu kúfua. Kuku kukata kua kufumanesa Nzambi, mbé Monʼ a Nzambi nʼ a tambule-ku fuma.