Jisálamu 118:15 - O Mikanda Ikola

¹⁵ Ivenu! ku jifundu ja athu aiuka kuala dízui dia kukola kikóue; kuma lukuaku lua Jihova lua bhange undanda!

Jisálamu 118:15 ပူးပေါင်းရင်းမြစ်များ

Jisálamu 111:2

Ikalakalu ia Jihova ia makota muene, a i sota jinga kuala ió oso andala a ʼijiia kiambote.

Jisálamu 119:111

Umbangi ué uene u nga tambula kuma undundu uami sé thembu, mukonda uene ua ngi bhana o kusanguluka mu muẋima.

Jisálamu 119:54

Maka ma kaiula ké, ma di bhange ene o mimbu iami ia kuimba, mu inhunginu iami mumu, mu ngala kubhita.

Jisálamu 32:11

Tanenu-ku kua Jihova, mu sanguluke enu mua iukila mu njila; imbenu ni ngalasa oso muemana muẋima nzanza.

Jisálamu 44:3

Kuma ixi ka i tambula ni xibhata iâ ene, lukuaku luâ ene ki luene kua a bhana o uzonda; maji o lukuaku lué, ni nguzu ié, ni kubenha kua pholo ié, mukonda eie ua a kala ni kiadi.

Jisálamu 45:4

Mondala, uende ni kijingo kié; iene ioso u soke na-iu mu kubhângela o kidi, ni kukuatekesa athu edi ni kulúnga ni kubelesela; lukuaku lué lua dilu lu ku longe kubhanga ima ia undanda.

Jisálamu 5:12

Kuma eie, Ngana, u mukua kubhanga mbote kua ió uoso uaiuka; jihenda jé, u Jihova, ji kala ngubu ia ku mu xitila.

Jisálamu 60:12

Mu nguzu ia Nzambi tu bhanga muene undanda; kuma muene u titidila o jinguma jetu bhoxi.

Jisálamu 68:3

Maji athu aiuka-phe a kale ni ngalasa; a sanguluke bhu pholo ia Nzambi; a sanguluke muene ni ngalasa iavulu!

Jisálamu 89:13

Eie o lukuaku lué luala ni nguzu ia kindanda; o lukuaku lué lua suína, o lua dilu se ua lu sunununa lu bhanga muene madiuanu!

Jisálamu 98:1

Imbilenu Jihova muimbu uobhe; kuma Muene ua bhange madiuanu; lukuaku luê lukôla, luene lua lende o jinguma.

Makatukilu 15:6

Lukuaku lué lua kúdia, eie u Jihova, luala ni nguzu ia fuma; lukuaku lué lua kúdia, u Jihova, lua muanganesa o nguma, muangatatá.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Luka 1:51

Ua bhange ima ia nguzu ni lúkuaku luê, ua muanganesa akua izala mu ikutu ia miẋima iâ.

Jipoxolo 16:34

Anga u bheka Phaulu ni Sila mʼ onzo iê, u a zalela meza, hé u sanguluka kiavulu ni dibhata diê dioso, kuma a xikana Nzambi.

Matendelelu 12:12

Anga mu kuata kutana ni kusanguluka bhu bhata dia Jihova Nzambi ienu, nʼenu ni anʼenu a mala ni anʼenu a ahatu, ni jiselevende jenu ja mala ni ja ahatu; ni levita uoso uala mu malumbu menu; oko muene ka moneka kânda dia undundu muʼaxaxi kenu.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!