Jisálamu 116:8 - O Mikanda Ikola

⁸ Kuma eie Jihova, ua ngi kudila o muenhu uami mu bòmbo dia kalunga, ua ngi kondona o masoxi mu mesu, ua fudisa o inama iami kuẋangumuka, mbé ki ngi di bhale.

Jisálamu 116:8 ပူးပေါင်းရင်းမြစ်များ

Jisálamu 37:24

Né ua di bhale, ka di bhalelà-ku; kuma Jihova u mu kuata ni lukuaku luê.

Jisálamu 49:15

Nzambi-phe u ngi tambula o muenhu uami kua kalunga-ka-ngombe, hé u ngi bhongolola kua muene kuoso kuala. (Selah.)

Jisálamu 56:13

Kuma eie ua ngi kula o muenhu uami kuʼalunga; ua fudisa inama iami kuẋangumuka, phala ngiie ni kuenda bhu pholo ia Nzambi mu muanha uazele ua athu a muenhu.

Jisálamu 86:13

Kuma henda ié i ua ngi kuatela iavulu; mbata ua ngi kudila o muenhu uami mu bòmbo dia kalunga.

Jisálamu 94:18

Nga ki ambele kiá, ngixi: Eme nga ẋangumukʼó; eie-phe u Jihova, mu henda ié, ua ngi kambuila, ki nga di bhale.

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Izaía 38:5

Katuka, uambele Ezekiia: Eme Jihova, Nzambi ia Davidi dia tatenu, uambe kiki: Musambu ué nga u ivu, ni masoxi mé nga ma mono; talesa-phe, ku izuua ié ngi ku bandekeza-ku kuinhi dia mivu niʼtanu.

Dijingunuinu 21:4

Muène u a kondona o masoxi moso ku mesu mâ! Ki ku kala dingi kùfua, nè ngó mukondo, mba kudila, mba kukata. Mukonda ima ia diangèle-ku, ia bhiti.

Dijingunuinu 7:17

Kuma o Kambudi uene muʼaxaxe ka kiandu, u kala mubidi uâ, muène u a endesa jinga bhu jithu ja menha ma muenhu. O Nzambi anga ua kondona masoxi moso mu mesu.

Afundixi 1:24

Ala mu londa anga a mona muthu iú tunda mu mbonge, anga a mu ambela, exi: Tua ku diondo, tu idikize bhuoso bhu tu bokuena mu mbonge, eie tu ku bhange mbote.