Jisálamu 116:16 - O Mikanda Ikola

¹⁶ U Jihova, ni kidi kiene ngi selevende ié; ngi selevende ié, monʼa kahatu ké, eie-muène ua ngi jituna bhu ophi ia ubhika.

Jisálamu 116:16 ပူးပေါင်းရင်းမြစ်များ

I Malunda 17:19

Eie, Jihova, tata! Ku henda ié i ua kuatela selevende ié, kala kiene o muẋima ué, kiene ki ua bhangela o ima ioso iii ia makota, phala ima ioso ienhiʼii ia makota i fumane!

Jisálamu 119:125

Ngi selevende ié muene; ngi bhane kilunji, phala o umbangi ué ngʼu ijiie kiambote.

Jisálamu 143:12

O mu kulenduka kué, enhó, o jinguma jami, a vuze muene nda a jime mbutu; buikisa, Ngana, oso a mu bhondeleka o muenhu uami, kuma eme ngi selevende ié.

Jisálamu 86:16

Lunga kunu ku ngala, u ngi kuatele henda; bhana nguzu kua selevende ié, u ngi bhulule, ngi monʼa kahatu ké.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Jipoxolo 27:23

Nga zuela kiki, kuma usuku ua lelu, kua ngi tukulukila anju ia Nzambi, nga mu tokala, ngene ku mu sedivila,

Loma 6:22

Maji o kiki-phe a mi kula ku ituxi, mua biluka mu abhika a Nzambi. Uila kiki, muenhu uenu uoso mua u lumbila kua Muène. Sai ni ibundu ienu ia kuzela moxi, o dizubhilu diê muenhu ki uabhua.

Tiiaku 1:1

Eme Tiiaku, selevende ia Nzambi, ni ia Ngana Jezú Kristu, nga tumu kumenekena o kuinhi dia muiji ni kiiadi ia muanganena mu jixi joso.