Jisálamu 115:4 - O Mikanda Ikola

⁴ Iteka ia ene phalata ni ulu, ima ia kalakala athu ku maku.

Jisálamu 115:4 ပူးပေါင်းရင်းမြစ်များ

I Jisobha 18:26

Anga ene a kuata o ngombe ia a bhele, anga a i iudika; anga a nanga ni kuixana mu dijina dia Bahale tunde mu kimene katé mu kaẋi ka kizuua, ku mediia, exi: Eie Bahale, tata, tu vutuile! Kuene-phe ni kuene hudi! Ni dízui ngó di a vutuila, lémbue! Anga a kuata kutuka-tuka ku thandu dia kalatódio ka tungile.

I Jisobha 18:29

Anga ki bhita-phe kuma, kia bhiti kaxaxi ka kizuua, kumbi ku mediia dia sembuluka-ku kiá, ene a kuata kuzambula katé mu ola ia kubhana mubhaku ua musa ku ngoloxi, hanji-phe ki kuene dízui, ki kuene kuitaia mba ngó ku a suua.

II Jisobha 19:18

o jinzambi jâ a jii te muene mu túbhia; mukonda o jene ue ki jinzambi, kana, maji kikalakalu kia maku ma athu ngoho; miẋi ia hatu ni matadi, kiene ue kia ji jikinisina jiʼja jimi.

II Malunda 32:19

O Nzambi ia Jeluzaleme anga a mu zuela muene kala o jinzambi ja akua jixi mungongo, ima ia bhange athu ni maku.

Jisálamu 97:7

Jisonhi ji kuata oso a bheza o mahamba maseta athu, oso a di fiiala o iteka; u kôla-ze iú, enu mu nzambi jengi; enu oso diundenu bhu pholo iê.

Izaía 37:19

jinzambi jâ ja iteka a ji oha mu túbhia; mukonda ki jinzambi, kana; ikalakalu ia ufunu ua maku ma athu, mixi ni matadi; kiene-phe kia ji jikinisina.

Izaía 42:17

Oso-phe a dielela iteka ia kuseta, a-nda kuzuzuta ni jisonhi; ió ene mu ku ambela o iteka iozunze, exi: Enu mu jinzambi jetu.

Izaía 44:10

Nanhi u bhanga Nzambi, nʼa zunza kiteka kia kuseta, ki ki bhandulula kima?

Izaía 44:20

Lémbue: ukuata ku di-dikila ni uthôkua; muẋima uê ua juuala uene ua mu luezesa; bhua telʼobho ka tena dingi kubhulula o muenhu uê, mba kuila: Mbé bhu lukuaku luami lua kúdia ki bhuala makutu?

Izaía 44:9

Jihete joso ja kusonga iteka, makutu mâ; o ima iâ ioso ue ia a uabhela ni muẋima uoso, ki i bhandulula ni kima; ene muene ala jimbangi kuma o iteka iâ ienhiʼii kumona ki i tena, kuívua lémbue; phala ene a tandanganhe.

Daniiele 3:5

Kioso ki mu ívua o mbimbi ia buzina, ni ia mbèndu, ni ia kakoxi, ni ia mbânza, ni ia kisanji, ni ia ngaieta ia jiphukila, kumoxi ni maxikile moso ma mimbu, diundenu-phe, mu bheze o kiteka kia ulu kiemika kuala sobha Nabukodonozolo.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Hozeia 8:6

O kiki ue kia tundu kua Izalaiele; hete ia ufunu ua Já iudika. Iene ki Nzambi, kana. A-nda ku ki sasujula-phe anga kibhua-bhu kia kangombe ka Samádia.

Jipoxolo 19:26

Mua mono ue, enu mua kʼ ivu kuila o Phaulu muenʼ iú, kana ngó mu Efezo, maji kua mu kambe ngó kuzubha o Azia ioso, ni kubhomba athu avulu ni ku a funhisa, mbata uala ku a tangela kuma o jinzambi jokalakale ni maku ki jinzambi!

Jipoxolo 19:35

Bhenhobho xikidivá ia mbonge-phe, ua bateka o mundu, uixi: Enu mala mu akua Efezo! Mukua-hi ua kambe ku kʼ ijiia kuma diembu dietu dioso dia Efezo diala mukombi-a-tembulu ia Diiana, kota dia dihamba, ni ditadi di kôla dia lauka ku diulu kua Nganga-nzumba?

Matendelelu 4:28

Kuene kiua ku mua-nda kua kà xingila mahamba mókalakale ku maku ma athu, o jinzambi ja miẋi ni matadi; ki ji tena kumona, ki ji tena kuívua, ki ji tena kúdia, mba kuívua dizumba.