Jisálamu 115:14 - O Mikanda Ikola

¹⁴ Jihova a mi sokolole dingi kiavulu, ni enu ni anʼenu.

Jisálamu 115:14 ပူးပေါင်းရင်းမြစ်များ

Dimatekenu 13:16

Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

II Samuuele 24:3

Jouabe anga u ambela muenexi, uixi: Jihova Nzambi ié a bandekeze mundu iú, né a tena konda iahi, phala a vule dingi luhâma, nda eie muene kùku, ngana iami, nʼu ki mone mesu. Maji phala-hi-phe, kùku, ngana iami, kia ku uabhela o kubhanga kima kiki?

Izaía 27:6

Bhua kèza izuua ia kuila Jakobo u ta jindanji, o Izalaiele ua kà sabhuluka u fuafua anga u bhana itulu ni ibundu; enhá anga a kèzalesa oxi ioso ni ibundu, kulu dia mundu.

Izaía 56:8

Jihova Nzambi, uene kubhongolola oso a muangana mu Izalaiele, uambe kiki: Hanji nga kà bhongolola dingi athu kumoxi ni iá u nga bhongolola kiá.

Jelemiia 30:19

Mu kaxi kâ mu tunda jinga diximanu ni mbimbi ia kusanguluka; nga-nda ku a sokolola muene, ka seluka kana, anga ngʼa zangeleka, ka kala ni mukondo.

Jelemiia 33:22

Kala kiene kulémbua o kutanga kifuxi kioso kia diulu, ni kisekele ku ndundu ia kalunga, a lémbua ku kizonga, kiene ue ki nga-nda kusokolola o luvualu lua Davidi mubhikʼami ni jilevita ala ni ukunji bhu pholo iami.

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Zakadiia 10:8

Eme nga kà exana ni supiia, nga kà a bhongolola kuma eme nga a kula kiá; anga a kà di sokolola dingi kala kia di sokoluele mu ukulu.

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Jipoxolo 3:25

O jipolomesa joso ja bhele Nzambi mu kanu dia jipolofeta jê ia mi tokala enu. O mu kikutu kia ta Nzambi ni jitata jenu mu xahulu, enu muene mu muala, kioso ki ambelele Mbalahamu, uixi: Ku mbutu ié, kuene kua kà zediuila o miji ioso mu ngongo.

Matendelelu 1:11

Jihova Nzambi ia jitata jenu a mi bandekeze muene, o ki mualʼokio a ki bhange dingi katé mu lumidi; ende ni ku mi zediuisa kala kia mi tangela-kiu kiá kuala muene.

Dijingunuinu 7:4

Anga ngʼívua o konda ia ene a a te o kidimbu kia Nzambi bhu mabhômo mâ; a tena hama ia midi ni makuinhi auana a midi ni midi jiuana. Ene oso a a tungula ni kidimbu, a tundu mu miji ioso ia anʼa Izalaiele.

Dijingunuinu 7:9

Kia bhiti imʼíii, ngedi ngi tala, kua moneka mundu uavulu kana muthu u tena ku u tanga! Ua tundu mu ifuẋi ioso, ni mu miji ioso, ni mu madiembu moso, ni mu madimi moso. Emana bhu pholo ia kiandu, ni bhu pholo ia Kambudi, a kembe ni izuatu izela, a kuata isalale ia maie bhu maku.