Jisálamu 115:1 - O Mikanda Ikola

¹ Etʼuetu kana, u Jihova, etʼuetu kana; eie-ku a ku tumbula o dijina ni fuma, mukonda dia henda ié ni kidi kié.

Jisálamu 115:1 ပူးပေါင်းရင်းမြစ်များ

Jisálamu 138:2

Ngi diunda ni kubhana o pholo kua kala o Tembulu ié, ngi ku tumbula dijina mukonda dia kiadi kié kia kidi; kuma o maka mé, Ngana, ma ulamba, ni ku a fika ngó tua lémbua.

Jisálamu 61:7

Emanenè-ku muene bhu pholo ia Nzambi; Eie, Ngana, tuma o henda ié ni kidi kié i mu inge.

Jisálamu 74:22

Balumuka, Ngana Nzambi, u funde o mulonga ué; xinganeka o kioua kiala ku ku tobhesa kumbi ni kumbi.

Jisálamu 96:8

Bhakulenu kua Jihova o fuma ia tokala dijina diê; zenu ni maujitu, mu bhixile ni sata mu malumbu mê.

Izaía 48:11

Mukonda dia Dijina diami, mu Dijina diami, muene mu nga ki bhange, abha-phe ngʼehela kiebhi o dijina diami ku di-kasanesa? Kijingo kiami ki nga kà ki bhana ku muthu uengi.

Izekiiele 20:14

O ki nga bhange-phe, nga ki bhangela ngoho o henda i nga kuatela o dijina diami, phala ka di sebulule ku mesu a miji ioso a mono kioso eme ki nga a tundisa mu Ijitu.

Izekiiele 36:22

Kala kiki-phe, o dibhata dia Izalaiele tangela-diu, uixi: O Jihova Nzambi uambe kiki: Ki mukonda dienuʼenu, ki nga mu bhangela kiki, enu mu muiji ua Izalaiele, tata, maji mukonda dia dijina diami di kôla, di mua sembamesa mu kaxi ka akua jixi, mu mua di tela enu.

Izekiiele 36:32

Jihova Nzambi ua ki tange, uixi: Ijiienu-na-kiu muene kiambote, kuila o kiki ki nga mu ki bhangela mukonda dia henda ienuʼenu, kana! Sonhi ji mi kuate muene, mu tandanganhe mukonda dia jinjila jenu, enu mu muiji ua Izalaiele, tata!

Daniiele 9:19

Eie Jihova, tata, ivua! Eie Jihova, tata, loloka! Eie Jihova, tata, tu suue, u sakalale mu kalakala, kana kukokoloka! Nga ku bhingi mu dijina dié eʼmuene Nzambi iami, tata; kuma diembu dié ni mundu ué afumana kuma a kutokala.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Efezo 1:6

Uila kiki, tu ximanienu Nzambi, mukonda dia kiadi kiê kioso kia tu idikisa, mu ujitu ua tu bhana mu ngoho kua Monʼ ê ua kazola.

Josuué 7:9

Mukonda akua Kanana, ni akuaʼxi oso, kia-nda ku kʼivua, a-nda ku tu konda, anga a tu batula dijina dietu mu ngongo. Eie-phe Ngana, o dijina dié diajingi, dia dikota, ua-nda ku di bhanga kiebhi?