Jisálamu 114:2 - O Mikanda Ikola

² Juda ua di bhange muiji uê ukôla, o Izalaiele kilômbo kiê.

Jisálamu 114:2 ပူးပေါင်းရင်းမြစ်များ

Makatukilu 15:17

Eie hinu u a bokuesa, u a phapha, ku mulundu ué ua undundu. U a bhaka bhu kididi ki ua solo, u Jihova, mu kala kibúta kié, bhu dibezelu dié, Ngana, dia tunga o maku mé.

Makatukilu 25:8

A ngi iudikile kibúta kikôla phala ngi tunge muʼaxaxi kâ.

Makatukilu 6:7

eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Ijila 11:45

Mukonda Eme-eme Jihova, ngala ku mi batesa mu kutunda kʼoxi ia Ijitu, phala ngi kale ngi Nzambi ienu; kala kiki enu mu di zelesa, mbata Eme nga zela.

Matendelelu 23:14

Mbata o Jihova Nzambi ié ua-lu nhungina muʼaxaxi ka kibangu kié, phala ku ku kudila, ni ku ku bhakuila o jinguma jé; kibhinga-phe o kibangu kiê kizela; phala ka ku mone ni kima kia ufusa, hé u ku ta dikunda.

Matendelelu 27:12

Kioso ki mu zubha kuzaúka Njolodá, muila ni Ximinhá, ni Levi ni Juda, ni Isakale, ni Zuze, ni Bejamí, enhá emane ku mulundu ua Ngedizine, phala ku ta kizediuise ku kifuẋi.

Matendelelu 27:9

Anga Mozé uzuela dingi, kumoxi ni jinganga, akua Levi, ambela Izalaiele ioso, exi: Batekela uívue kiambote, eie Izalaiele! Mu kumbi dia lelu ua bhiẋila mu kukala u kifuẋi kia Jihova Nzambi ié.

Matendelelu 7:6

Mbata eie ki ualʼokio u povo iangene ia Jihova Nzambi ié; O Jihova. Nzambi ié ua ku tungula muʼaxaxi ka ifuẋi ioso ia tungu kʼulu dia mundʼuku, phala u kale kiá u povo ia mu fuama muene ngó.

Dijingunuinu 21:3

Anga ngʼívua dízui dia suina dia mu tunda bhu kiandu, dixi: Talesa, kindala o balaka ia Nzambi iala muʼaxaxe ka athu! Nzambi muène u tunga-nâ, ene a kala mundu uê. Nzambi muène uenda jinga-nâ, u kala Nzambi iâ.