Jisálamu 111:4 - O Mikanda Ikola

⁴ Ikalakalu iê ia madiuanu ia xala muene fuma; Jihova ualenduka, u kuatela henda.

Jisálamu 111:4 ပူးပေါင်းရင်းမြစ်များ

II Malunda 30:9

Mukonda kioso enu ki mu lungulukila kua Jihova, o jiphange jenu ni anʼenu a mala a-ndu bonga kiadi ku mesu ma ió oso a ambata ene ku ubhika, anga a kà vutuka dingi mu ixi iii; mbata Jihova, Nzambi ienu, mukua kiadi ni henda, o pholo iê kà tena ku mi suekela-iu, se enu mu bilukila kua muene.

Jisálamu 103:8

Jihova ua lenduka, mukua kisambu, u kokoloka o kutema, o jihenda jê ji vula.

Jisálamu 112:4

O muthu uaiuka, ni mu kitombe kúkia mukengeji uê; u kala mukua ujitu, mukua henda, mukua kiadi.

Jisálamu 145:8

Jihova ua lenduka, u bhanga o mbote, u kokoloka kutema, u vula kukuatela o henda.

Jisálamu 78:38

Muene-phe mu kulenduka kuê, u a loloka o kubhukumuka kuâ, ka ẋikina ku a buikisa; u ki bhanga, u tona, kia kusosolola o njinda iê, né ua vunzuka ni kutema kuê, ka zubha.

Jisálamu 86:15

Maji Eie-phe, Ngana, u Nzambi ia jihenda, uezala ni kiadi, ua kokoloka o kutema, eie ua vula o kulenduka ni kidi.

Jisálamu 86:5

Kuma, eie Ngana, u muthu uambote, u lenguluka kuloloka, uene mu lendukila kiavulu oso a dikola ko kué.

Izaía 63:7

Ngi tumbula kulenduka kua Jihova, ngi tanga ue diximanu dia nzungule dia Jihova, dia soko ni ima ioso ia tu bhange Jihova; ni jimbote javulu joso jene kubhanga ku diembu dia Izalaiele, ja a bhange muene mu jihenda jê, kala kia soko o nzungule ja kulenduka kuê.

Matendelelu 4:9

Hé kima, di lange-phe ngó kiambote eie-muène, enda ni kuinga ue kiambote o muenhu ué, o ima i ua mono ni mesu mé ki i ku jimbe, ki i ku bhue ku muxima, enda ni ku i banza katé bhua kà suka o muenhu ué, uende ni ku i longesa ku anʼê katé ku mululu ni ku muláula.

I Timote 1:14

O Ngana ietu, iú ua lundulula o jinzungule ja kiadi kiê ku thandu diami, iú ua ngi bhana o kuxikana ni henda i tuene na-iu mu kisangela ni Kristu Jezú.