Jisálamu 110:5 - O Mikanda Ikola

⁵ Ngana ua ku imanena ku mbandu ié ia madilu, muene u kuama o jisobha, bhu kizuua kia njinda iê,

Jisálamu 110:5 ပူးပေါင်းရင်းမြစ်များ

Jisálamu 109:20

Nganhu iâ i kale kienhiki, ia tambula kua Jihova, oso ene ku ngi zembʼó, hé a ngi tatela ima iaiibha ku muenhu uami.

Jisálamu 110:1

Jihova ua ki ambe kua Ngana HU iami, uixi: Xikama ku mbandu iami ia madilu, katé ki ngi ku bhanga o jinguma ji kala kibaka kié kia kutula inama.

Jisálamu 16:8

Jihova izuua ioso nga mu bhaka bhu pholo iami; o mukonda dia muene ku ngʼimanena bhua zukama, ki bhuala u tena ku ngi lundumuna.

Jisálamu 68:14

Muteni-a-ioso kia phephulula jisobha bhenhobho, kia soko ni ki phephuluka o neve mu mulundu ua Zalamone.

Jisálamu 68:30

Bazela, Ngana, o kiama kiókio kia suamena mu dibu, o jindumbe ni jingalote ku mundu ua matumbu, u titidile bhoxi o itadi iâ ia phalata; a muange muene, kifuxi kioso kiala ni vondadi ia ita.

Habakuke 3:12

Jihova ixi ua iendela ni njinda, o miji ua i titidila ni kutema kuê.

Marku 16:19

Kiki Ngana Jezú kia zubha kuzuela-nâ, a mu tambula ku diulu, iú ua xikama ku madilu ma Nzambi.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Dijingunuinu 11:18

O ifuẋi ia kambe kuijiia Nzambi ia salumuka ni njinda iavulu, mukonda kithangana kié, u Nzambi, kia kubhana kaxtiku kia bhixila! Kumbi dieza-bhu dia kufundisa athu oso a fua kiá! Kithangana kia tuta-bhu kia kuuanena o jiselevende jé jipolofeta o kisakidilu kiâ! Kumbi dieza-bhu kiá dia kubhana o futu ku athuʼé aiuka, ni ku mundu ué uoso ene mu ku ku xila, ni jindenge ni makota! Thembu ia bhiẋila-bhu kiá, ia kubuikisa ió oso ene mu kubuikisa oxi!