Jisálamu 110:4 - O Mikanda Ikola

⁴ Jihova ua loka, ka ẋikina kualuluka, kuma eie uala u nganga inangenena, mukuâ ni unganga ua Melekizedeke.

Jisálamu 110:4 ပူးပေါင်းရင်းမြစ်များ

Dimatekenu 14:18

Melekizedeke, sobha ia Saleme, anga u tunda ni mbolo ni vinhu; muene ua kexi nganga ia Nzambi Suke-ku.

Jisálamu 132:11

Jihova ua te ni Davidi, kikutu kia mulôko, ka ẋikina dingi kualuluka; kuma uambe, uixi; Mona u tunda ku mukutu ué muene u ku bhingana bhu kiandu.

Zakadiia 6:13

Muene-muène ua kà tunga o Tembulu ia Jihova, a kà muizalesa ni fuma ni unène; anga ua kà xikama bhu kiandu kiê, nʼa kala mu ku tumina anga ua kà kala nganga bhu kiandu kiê; o ima i iadi iii anga ia kà divisa muene kiambote ni kutululuka kuoso.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Jihebeleu 5:6

Bhu kididi kiamukuá mu Mikanda Ikôla, muène u ambe uixi: Eie uanda kukala u nganga ia kà xalela-ku, ki di fuangana mu kihindu kia unganga ua Melekizedeke.

Jihebeleu 6:20

Kuenioko kuene kua tu tuamenena kubokona musonguedi uetu, Ngana Jezú. Muene iú ua di bhange Nganga ia Dikota i xalela-ku, mu kihindu kia ungana ua Melekizedeke.

Jihebeleu 7:11

Kuma o ngonge ia tambuile o mundu ua Izalaiele iejila mu unganga ua jilevita, akua muiji ua Alá. Maji-phe se o unganga ua akua Levi ua zubhile kutenena, hinu keju bhindamena dingi unganga uengi u di fangana mu kihindu kia Melekizedeke, o ua Alá kana.

Jihebeleu 7:17

Kuma o Mikanda Ikôla iambe: Eie uanda kukala u nganga i xalela-ku, mu kihindu kia unganga ua Melekizedeke.

Jihebeleu 7:21

Maji Ngana Jezú ua di bhange nganga kioso Nzambi kia mu ambela, uixi: O Ngana ua loka, ka tena kualuluka; eie uanda kukala u nganga i xalela-ku.

Jihebeleu 7:28

Mu kitumu kia Mozé a sola athu a kambe kutenena phala kukala Jinganga-ja-Makota. Maji kizuelu kia muloko ua Nzambi kia kaiela ku Kitumu kia Mozé, kia solo o Mona, muthu ua tenena ua zubha, katé ku hádia ni hádia.

Dijingunuinu 1:6

iu ua tu bhake ku usobha ni unganga mbè tuende ni kubhikila Nzambi Tata iê. O kua Jezú Kristu muenhó kukale o fuma ni kutumina mu mivu ni mivu sè dizubhilu! Amén!