Jisálamu 11:4 - O Mikanda Ikola

⁴ Jihova-phe uala hanji mu Tembulu ie ikôla; Jihova kiandu kiê kia xikama ku diulu; mesuʼê a tono muene ni kengelela, o ibhebhetela iê iala mù tonginina kiambote anʼatu mu ngongo.

Jisálamu 11:4 ပူးပေါင်းရင်းမြစ်များ

I Malunda 17:5

Mukonda kiluua ngó ngi kala ni inzo ioso-ioso ia kukala, tunde mu kizuua ki nga bandesa Izalaiele mu kutunda mu Ijito katé mu kizuua kia lelu, maji ngene mu kala jinga mu jibalaka, ngi tunda balaka ngiza balaka, ngi bokona fundu ngiza fundu.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

Jobe 24:23

O Nzambi kia a bhana kunhoha, ene-phe a dielela kiá ngó kienhókio; o mesu ma Nzambi phe ia a talela mu jinjila jâ.

Jisálamu 103:19

Jihova, kialu kiê kia ungana ua ki xikika mu diulu, o utuminu uê ua bhiti kuene kuoso.

Jisálamu 113:5

Kadi nanhi, u soka ni Jihova, Nzambi ietu? uala ni kiandu kiê bhu ditala dia di leka.

Jisálamu 139:23

Nzambi ngi solokote, u ngʼijiie muẋima moxi; ngi lole, u ngi tongolole o ilunji ioso;

Jisálamu 14:2

Sui! ku anʼathu kuala Jihova mu diulu, uixi: Ngi talesa mba muala ni iá ala ni kilunji, a ẋikina kusota Nzambi.

Jisálamu 18:6

O mu kubhondalala kuami anga ngʼixana Jihova, ngi dikola muene kua Nzambi iami; muene anga u ngʼivua dízui tunde mu Tembulu iê, kudikola kuami kua mu bhixila mu mátui.

Jisálamu 2:4

Ió ua xikama ku maúlu ua olela; Ngana anga u a bhanga kasekelu.

Jisálamu 33:13

Jihova ku diulu u zongola bhoxi; ana athu ene oso ki bhuala ua mu jimbi.

Jisálamu 44:21

Manhi o Nzambi u kamba ku ki ijiia, Se muene muène uejiia o ikutu ioso ia muẋima ua muthu?

Jisálamu 66:7

Muene, mukonda dia kutena kuê, ungana uê u nangenena; o mesuʼê ala mu langa ifuẋi; né edi a kituka ka tena. (Selah.)

Jisálamu 9:11

Imbenu diximanu dia Jihova, ua tunga mu mbanza iê ia Ziione; o ikalakalu iê iene kubhanga, tangenu-iu mu akua jixi.

Jisabhu 15:3

Mesu ma Jihova, mala mu ididi ioso, ni kukengelela athu aiibha ni athu ambote.

Izaía 66:1

Jihova uambe kiki: O diulu kiandu kiami, oxi kibhuna kia inama iami; enu mu ngi tungila onzo ia kidifua kiahi? Kididi ki kuebhi ki ngi nhohena?

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Mikeia 1:2

Ivuenu enu oso mu ifuẋi, bhana mátui eie u ixi ni ima iê ioso iala-mu mu kuzanza kuê kuoso, o Jihova Nzambi a mi kalele mbangi ia ku mi bhanga kiaiibha tunde bhu kididi kiê kia ku mu bhezela ki kôla.

Habakuke 2:20

Jihova-phe uenʼiê mu Tembulu iê ikôla; ixi ioso i dixibhe bhu pholo iê.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Matesu 23:21

Uoso u lokela Tembulu, ua lokela Tembulu iene ni Nzambi ua tunga momo.

Matesu 5:34

Eme-phe ngi mi ambela: Kana kulôka; kana kulokela diulu, mbata kialu kia Nzambi kia ungana.

Jipoxolo 7:49

Diulu kiandu kiami, oxi bangu iami ia kutula inama. Enu-phe mu ngi tungila onzo ia kidifua kiahi? Kididi ki kuebhi ki ngi tula phala dinhohenu?

II Tesalonika 2:4

Muthu muenʼió u kala mú kituka, u mesena u tunda ioso ia luka exi Nzambi, ioso athu iene ku bheza. Muène ua kà di zangeleka katé muene u xikama mu Tembulu ia Nzambi, nʼa dʼidikise kuma muene Nzambi!

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

Dijingunuinu 4:2

Kithanganʼokio anga ngi kala mu Nzumbi. Ngi talesa kiandu a ki xikika mu diulu, sai-ku ni ió ua xikama bhu kiandu.