Jisálamu 109:7 - O Mikanda Ikola

⁷ Kioso kia fúnda, a mu mone kuêla; o kudionda kuê ngó ku kale kituxi.

Jisálamu 109:7 ပူးပေါင်းရင်းမြစ်များ

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 21:27

Sata ia akua kubhuma, kisinji kua Nzambi; kuambe dingi-phe ki a i bheka ni muẋima ua kubhanga phulu!

Jisabhu 28:9

Uoso o mátui mê u ma landukisa, nguaiê kubatekela mu kuividila o ngonge, katé ngó ni musambu uê, u kituka kisunji kiaiibha kua Ngana!

Izaía 1:15

Uila kiki, kioso ki mú sunununa o maku menu mu kusamba, mesu mami, kokuenu, ngi ma sueka; xi, kioso ki mu vudisa o misambu ienu eme ki ngi ivu, mukonda o makuʼenu ezala manhinga.

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Loma 3:19

Kiki-phe tuejiia kuma kioso ki ambe o Kitumu, a ki ambela ió oso ala bhoxi dia Kitumu. Phala o makanu moso ma xite, ehe o maditatu, mbé mundu uoso a bele mu kufundisa kua Nzambi.

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!