Jisálamu 109:27 - O Mikanda Ikola

²⁷ Mbé a ki mone kuma lukuaku lué luene lua kalakala; nʼa kʼijiie kuma eie u Jihova ua ki bhange.

Jisálamu 109:27 ပူးပေါင်းရင်းမြစ်များ

Ejidala 7:6

Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Nehemiia 6:16

Anga ki bhita kuma, o jinguma jetu joso, ki a kʼivu, uoma u a kuata, matumbu oso muene a tu kondolokele mu jimbandu, anga a bhuila ku mixima iâ-ene muene; mbata a tetuluka kuma Nzambi ietu muene ua bhange o kikalakalu kiki.

Jobe 37:7

Mu ku bhanga kiki, o maku a athu oso ua a kotola, a lémbua kukalakala, phala ende ni kuijiia o ikalakalu iê.

Jisálamu 126:2

Mu kanu bhenhobho mua tu izala ni jingolela, dimi di kuata mu kuimba; katé ni mu matumbu a ki ambe, exi: Athu iá Jihova ua a bhange ima ia madiuanu!

Makatukilu 8:19

Bhenhobho-phe o imbanda ambela Falaó, exi: Iú mulembu ua Nzambi kiá; Falaó-phe u kola muxima, ka ẋikina ku a evua, kala kia tange Jihova.

Jipoxolo 4:16

exi: Mala iá, tu a bhanga kiebhi? Kuma kisuma kia dikota kidi ki a kalakala, kia di monekena ku akua Jeluzaleme oso, etuene ue ki tu tena ku dituna-kiu.