Jisálamu 109:23 - O Mikanda Ikola

²³ Nga soko ni kizúzumbi kia ngoloxi, kia lebhela kiá kuié; ngi takujuka ngó kala dihoho diia mu tudila dikanga.

Jisálamu 109:23 ပူးပေါင်းရင်းမြစ်များ

I Malunda 29:15

Mukonda etu tu jinzuángiza bhu pholo iê, tuala tu jingenji kala o jitata jetu joso; o izuua ietu iedi kala izúzumbia kulu dia mundu, kanaku kima kiengi ki tua dielela.

Jobe 14:2

A mu vuala mukua ni kitulu mi iangu, kuma kathangana ngó ua kukuta; u lenga lusolo kala kizúzumbia, kene mu kunanga kithangana kiavulu.

Jisálamu 102:12

Eie-phe, u Jihova, u nangenena katé ku hádia ni hádia; kuma thembu ieza-bhu, ia ku mu xinganeka, ua bhixila kiá bhu thembu i ua mu xindi.

Jisálamu 144:4

Kuma muthu muha, mukuâ ni kima kia ngoho; izuua iê i bhita kala kinzúnzumbia.

Makatukilu 10:13

Mozé anga u zenga o mbangala iê ku thandu dia ixi ia Ijitu, Jihova anga u bheka kitembu kia mutundila-kumbi mʼoxiʼomo, ni kizuua kiosuʼokio ni usuku uê; o ki kuáki kitembu kia mubandela-kumbi kieza ni kihoho.

Makatukilu 10:19

Jihova anga u lungulula o kitembu, hé ku bhuka kitembu kia nguzu kia mubolokela-kumbi kizangula o kihoho, anga ki ki takula mu Kalunga Kakusuka; ni dihoho ngó dimoxi ki dia xala mʼoxi ioso ia Ijitu.

Ndongixi 6:12

Mbata nanhi uejiia o kima kiambote ku muenhu iú, phala o muthu, mu izuua iê ioso ia ukumbu uê, ia bhingi kuila u i zubha mukuâ ni kilembeketa? Mbata o muthu kiela ua bhiti kiá, nanhi dingi ua kà mu tangela ima ianda kua kèza-ku Kulu-dia-Mundu?

Ndongixi 8:13

Maji o mukua phulu u lémbua ku kala kiambote, o muene ue o izuua iê ki ia-nda ku vula; uila ngó kala kizúzumbia, mukonda ua lémbua o ku kala ni uoma ua Nzambi.

Tiiaku 4:14

Sumbala anuenu kioso kʼiza-ku mungu ku mienhu ienu, ki mua kʼijiia! Mukonda o muenhu uenu ua soko kiebi? Muala mu mbundu, i moneka ngó kathangana kofèle, kindala-phe ia jimuka ku mesu!