Jisálamu 109:22 - O Mikanda Ikola

²² Mukonda ngi ngadiama, ngi phulungu, a ngi kuama katé ni muẋima moxi.

Jisálamu 109:22 ပူးပေါင်းရင်းမြစ်များ

II Jisobha 4:27

O kia bhiẋila-phe kua muthu ua Nzambi, ku mulundu, u mu kuata mu inama; maji Jeazí ua bhixila phala ku mu sutununa; o muthu ua Nzambi phe, uixi: Muehe, mukonda o muenhu uê mʼoxi ua mu lulu ni dilamba, Jihova phe iu ua ngi suekela-na-kiu, ka ngi tukuluila-kiu luua.

Jobe 6:4

Mukonda o mifula ia Muteni-a-Ioso ia ngi kuata, o muenhu uami uala mu kúnua o ikolakola iê; ima ioso ia Nzambi i kuatesa uoma, ia ngi kondoloka.

Jisálamu 102:4

Muẋima uami ua xoueta, ua lela muene kala iangu; ni kúdia ngó o kadikoka kami kua ngi jimbi kiá.

Jisálamu 109:16

Mukonda o muene ue ka xikina kukuatela henda; ni ngadiama ni phulungu ua mu zukutisa jinga muene, mukua kikote kia muẋima u mu bhondeleka muene, phala ku mu jibha.

Jisálamu 22:6

Eme-phe ngi kabamba ngó, ki ngi muthu, kana, a ngi tobhesa kuala athu, a ngi tènde kuala o mundu.

Jisálamu 25:16

Ngi bhane Ngana o pholo, u ngi kuatele henda; kuma ngala ubheka, nga tate!

Jisálamu 40:17

Eme-phe, bhu ngalʼabha, ngi ngadiama, nga tâte; maji o Ngana-phe ua ngi bhake muẋima ni ku ngi sasa; eie ngó u mukuatekexi uami, u mubhuludi uami; kana kukokoloka Nzambi iami, tata, endelà-ku Ngana!

Jisálamu 86:1

Bhetama dítui dié, u Jihova, u ngi kumbulule; mukonda ngi phulungu, nga tate.

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Matesu 8:20

Kuala Jezú: O makombe mene ni jingenda jâ, o jinjila ue ji bhita bhulu, sai ikalanga iâ; maji o Monʼ a Muthu-phe kala ni kididi bhua zekesa o mútue uê.

Luka 22:44

Malamba mê anga u kumbama na-u, anga u samba dingi ni nguzu. O suualu iê anga i biluka kala matoxi ma makota ma manhinga, ma-la kuenda ni kumbomba bhoxi.]

Nzuá 12:27

Jezú uixi dingi: Muẋima ua ngi kenanana! Ngʼ ila kiebhi? Tata, ngi bhulule, kumbi didi ki di ngi tule? Kana! Kiene muene kia ngi bheka, eme nga bhixila bhu kumbi dienhidi.

II Kolindo 8:9

Kuma o henda ia dikota ia Ngana ietu Jezú Kristu mua ijiia; sumbala muène ua kexile mvuama, ua di bhangele-phe ngadiama, mukonda dienu, phala enu ku uadiama uê mu mone o umvuama.