Jisálamu 109:20 - O Mikanda Ikola

²⁰ Nganhu iâ i kale kienhiki, ia tambula kua Jihova, oso ene ku ngi zembʼó, hé a ngi tatela ima iaiibha ku muenhu uami.

Jisálamu 109:20 ပူးပေါင်းရင်းမြစ်များ

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

II Samuuele 18:32

Muenexi anga u ambela mukua Kuxi, uixi: Manhi o munzangala Abisalone, uala kiambote? Mukua Kuxi anga u vutula, uixi: Kùku, ngana iami, jinguma jé joso, ni iá a balumuka mu ku ku bhanga kiaiibha, a kale ene oso kala kiala munzangala muenhó.

I Jisobha 2:44

Muenexi anga u kumuna dingi mu tangela Simeii, uixi: Ku muẋima ué ku kambe ku kʼijiia, o kubhukumuka kuoso ku ua bhangele tatʼetu Davidi; kala kiki Jihova ua vutula o kubhukumuka kué ku thandu dia mútue ué eʼmuene.

Jisálamu 110:1

Jihova ua ki ambe kua Ngana HU iami, uixi: Xikama ku mbandu iami ia madilu, katé ki ngi ku bhanga o jinguma ji kala kibaka kié kia kutula inama.

Jisálamu 2:12

Bhombenu mona, ki mu kinge kia thathamana; kuma hinu mu diuana ku muia, njinda iê ki i uama kala túbhia. Enhó-phe a zediua oso a dielela kua Muene.

Jisálamu 71:10

Kuma, jinguma jami, a ngi kuata maka ma ufe; ió a batamena ku ngi bua o muenhu uami, ala mu ngi ta kikutu.

Jisálamu 94:23

Kituxi kiâ-phe kia-nda kualuka, hé ki a tula ene; Nzambi u a senguluila mu usuéia uâ; kiene muene, Jihova Nzambi ietu hinu u a buidisa.

Matesu 11:19

Monʼa Muthu-phe ueza ni kúdia ni kúnua anga amba, exi: Talenu kidiakhaji, hôlua, kamba dia akua kutambula lubhaku ni akua ituxi. Maji o Unjimu-phe a u tongolola kuala anʼ a Nzambi.

Matesu 12:24

Jifalizeu-phe kia kʼivu, exi: Ialʼó kukaia o madimonho, mukonda ua tokala ni Belezububu, dikota dia madimonho.

Marku 9:39

Kuala Jezú-phe: Kana ku mu kidika! Mukonda kana muthu u tena kubhanga kisuma mu dijina diami, kindala nʼa ngi lungulukila.

Luka 19:27

Jinguma jamiʼ ojo-phe, kʼ andalele eme ni ngʼ a tumine, ngi bhekedienu-nâ bhabha, mu a jibhile bhu pholo iami!

I Kolindo 12:3

Uila kiki, nga mi lomboluela kiambote kuma, kana muthu, kia zuela ni Nzumbi ia Nzambi, u kiamba kuma: Jezú muthu a mu bhubhidila! Kana muthu ue u ki amba kuma: Jezú muene Ngana, se u kamba kukala ni Nzumbi Ikôla.

II Timote 4:14

Xandele dia musudi ua ngi bhange phulu iavulu. Ngana u mu vutuila kia fuama mu imbamba iê iene kubhanga.